Кум муниципалитетлан - 55 миллион теҥге

Башкортостан гыч кум муниципалитет «Лучшая муниципальная практика - 2025» элысе конкурсышто сеҥышыш лектын. РФ Правительствым вуйлатыше Михаил Мишустин конкурсын сеҥышыже-влаклан премий шотеш дотацийым пуымо нерген пунчалеш кидпалыжым пыштен. Шийвундым нунылан федеральный бюджет гыч «Развитие федеративных отношений и создание условий для эффективного и ответственного управления региональными и муниципальными финансами» кугыжаныш программа почеш ойырат. Документ дене келшышын, Всероссийский конкурсын Башкирий гыч сеҥышыже-влаклан чумыржо 55 миллион теҥгем пуат: икымше верыш лекше Дӧртыльӧ ола ден Бижбуляк районысо Каменский сельсоветлан 20 миллион теҥге дене, конкурсын ший призержылан, Абзелил районысо Ташбулатовский сельсоветлан, 15 миллион теҥге оксам кучыктат.
Л. ШАВАЛИЕВА.