Грипп шарла

Республикыште респираторный инфекций дене черланыше-влакын чотышт ешаралтын. Роспотребнадзорын увертарымыж почеш, ковид да риновирус дене пырля гриппын вирусшат шарлаш тӱҥалын. Лишыл жапыште Башкортостаныш грипплан ыштыме эше 403 тӱжем утла вакциным кондат. Тидын нерген БР Правительствын ЦУР-ышто эртыше оперативный погынымаштыже БР здравоохранений министрын пашажым шуктышо Роберт Иштуков увертарен. Тудын мутшо почеш, коллективный иммунизацийлан 60 процент калыклан (2,4 миллион утла еҥ) прививкым ыштыман. Кызытеш республикыште грипплан 1,5 миллион еҥ прививкым ыштен, увертара «Башинформ».
Л. ШАВАЛИЕВА.