Уфаште Российысе энергетика форум эрта

1-3 октябрьыште Уфаште XXV Российысе энергетический форум да «Энергетика Урала» 31-ше тӱнямбал выставка эртат. Форумыш энергетика отрасльын экспертше да промышленность пашаеҥ-влак погыненыт. Тушто Российын тӱрлӧ регионжо, тыгак Беларусь, Китай, Казахстан гыч 100 компаний ончыл технологийышт дене палдарат. Форумым почмо кечын Башкортостан Вуйлык Радий Хабиров видеокыл йӧн дене реконструкций деч вара почмо Нефтекамск ола округысо Карман ГРЭС-ын икымше энергоблокшын, тыгак Иглин районысо «Алаторка» подстанцийын пашаштлан тӱҥалтышым пуэн. Кум кечыште отрасльым вияҥдыме шотышто 35 секций пашам ышта. Тыгак «Электромонтажникын кечыжым», «Электромастер Урала» мастарлык конкурсым эртарат, студент-влак энергетика компаний вуйлатыше-влак дене вашлийыт, увертара «Башинформ».
Л. ШАВАЛИЕВА