Ял озанлык ярмиҥгаште

Тиде шуматкечын Нефтекамскыште шыжымсе ял озанлык ярмиҥга эртыш. Оласе калыклан Калтаса, Бурай, Краснокам, Дӧртыльӧ, Янаул районла гыч ял озанлык сатуштым ужалаш толшо фермер-влак ончен-куштымо пакчасаскаштым, емыжым, тыгак мӱйым да мӱкш сатум темлышт.
Тӱрлӧ сорт пареҥгым, кешырым, йошкарушменым киложым 35 теҥгелан налаш лийын. Пеледыш мӱйлан кокла шотышто 2000, писте да шемшыдаҥ саска мӱйлан 2500 теҥгем йодыт. Тыгак Удмуртий кундемысе плодопитомник-влакын озашт тӱрлӧ сорт пеледыш, олма, груша, эҥыж, шоптыр да моло емыж вондерым конденыт. Икманаш, ярмиҥга чылалан йӧнан: налшыжлан - сату, ужалышыжлан - окса.
Л. ШАВАЛИЕВА. Нефтекамск ола.
Авторын фотожо-влак.