ППМИ-лан шийвундым ешареныт

Архангельск, Зилаир, Ишимбай, Караидель, Киге, Куюргаза, Мелеуз, Мияке да Чишма районлаште верысе инициативылан полышым пуымо программыш ушнымо чыла йодмаш йӧплымашым эртен. Тидын шотышто нине район-влак Башкортостаныште эн ончылно улыт. Кажне муниципалитетыште 12 наре проект пашам ышта. Чумыржо кундемыште ППМИ-ш чыла 54 район да 9 ола ушнен, 734 йодмашым йӧплымӧ. Тиде программылан тений 1,1 миллиард теҥге утла оксам ойыреныт (100 миллионлан шукырак), тушеч 700 миллион теҥгеже - республикысе бюджетын шийвундыжо, увертара «Башинформ».
Л. ШАВАЛИЕВА.