Ялыштым арулыкышто кучат

Шочмо-кушмо вер-шӧрым тӱзатыме суапле сомылыш Балтач район Мишкан ялыште илыше калык эре рӱж ушна. Кодшо арнян тушто еҥ-влак ялым, уремым эрыктыме субботникыш погыненыт. Тӱшка вий дене ялче-влак уремым, клуб, кевыт, корно, ер воктенсе вер-влакым шӱкшак деч эрыктеныт, шудым соленыт. Чыла пашалан шкеныштын техникыштым кучылтыныт, бензинжым ялсовет пуэн. Погымо куштырам «Беларус» тракторышт, «УАЗ» машинашт дене шупшыктеныт. Палемдыде ок лий, мишкан ял калык тений кокымшо гана «Айык села» конкурсыш ушнен. Таза илыш-йӱла верч шогышо калык илыме вер-шӧржымат арулыкышто кучаш тырша.
Л. ШАВАЛИЕВА. Мишкан ял, Балтач район.
А. Захарован фотожо-влак.