Мотокроссышто таҥасеныт

Нефтекамскыште каныш кечылаште мотокросс дене Башкортостан Республикын чемпионатшын да первенствыжын визымше йыжыҥже эртен. Тудым мотоспортын ветеранже Анатолий Князевым шарнымылан лӱмленыт. Таҥасымашыш Башкирий, Удмуртий республикыла, Пермь край, Свердлов да Челябинск, Оренбург областьла, Казахстан кундем гыч 130 утла спортсмен чумырген. Стартыш тыгак юниор - мотоклуб-влакын самырык воспитанникышт-влак - лектыныт. Трассыште спортсмен-влак сай кӱкшытым ончыктеныт, эн виян-влак сеҥышыш лектыныт.
Л. ШАВАЛИЕВА.