Ӱстелын унаже - олма

Школыштына «Эх, яблочки» оҥай мероприятийым эртарышна. Йоча-влак олма нерген шуко оҥайым - тиде тамле пушан, тӱрлӧ сортан тутло саскан пайдале да эмлыше улмыж нерген - пален налыныт.
Оҥай модыш, олма нерген муро да калыкмут-влакым йоча-шамычлан шарналташ полшенна. Тыгак рвезе-влак йомак инсценировкым ямдылышт (снимкыште), тушто олман рольжым тӱҥ модшо еҥ ончыктен.
А ӱстел олма дене ямдылыме когыльо, компот да шере кочкыш дене темын. Пайрем рвезе-влаклан пеш келшыш. Ава-кова-влаклан тыгай тамле ӱстелым погымыштлан пеш кугу таум каласыме шуэш.
М. ЯПАРОВА. Кужнур ял, Бирск район.