Ӱйым пуышо кушкылым погат

Республикыште ял озанлык пашаеҥ-влак ӱйым пуышо кушкыл-влакым - рапсым, горчицым, йытыным, соям - погат, кечшудым шияш тӱҥалыныт.
19 сентябрьлан 86 тӱжем гектар мландыште 142 тӱжем тонн тӱрлӧ ӱйлык кушкылым погеныт. Тидын шотышто сай лектыш дене Стерлитамак ден Аургаза район-влак ойыртемалтыт - тушто 24,8 тӱжем да 20 тӱжем тонн ӱйлык кушкыл-влакым тӱредыныт.
Пасулаште эн шуко рапсым (95 тӱжем тонн наре) шийыныт, йытыным 29,6 тӱжем тонным, соям 6 тӱжем тонным, кечшудым 5,7 тӱжем тонным поген налыныт, увертара БР Ял озанлык министерство.
Л. ШАВАЛИЕВА.