Элысе таҥасымаште сеҥеныт

9-21 сентябрьыште «Орленок» йоча рӱдерыште кеҥежымсе спортын видше-влак дене «Президентские состязания» Всероссийский таҥасымаш-влак эртеныт. Тушто олала гыч 85, селала гыч 79 команда вийжым терген. Кугу кӱкшытан таҥасымаште Башкортостанын чапшым Краснокам районын командыже арален. Коян школын визымше классыштыже тунемше ӱдыр-рвезе-влак эн тале да эн писе улмыштым ончыктеныт - элысе таҥасымаште села гыч мийыше команда-влак коклаште икымше верыш лектыныт!
Йоча-влакым таҥасымашлан физкультурым туныктышышт Светлана Ислибаева ден Краснокам район йоча да самырык-влаклан спорт школын тренер-преподавательже Владимир Спиридонов ямдыленыт.
Л. ШАВАЛИЕВА. Краснокам район.
Снимкыште: Краснокам районын командыже. Краснокам район ДЮСШ-н соцлаштыкше гыч налме фото-влак.