Сайлымашым иктешленыт

Башкортостаныште 14 сентябрьыште эртарыме сайлымашым иктешленыт. Тиде кечын кундемыште верысе самоуправлений органлаш депутат-влакым сайленыт. Республикыште чылаже 150 сайлыме кампаний эртен, 239 мандат лийын. Сайлымашке 652 кандидатым регистрироватленыт, тушеч 13 еҥже - специальный военный операцийын сарзыже-влак. Шке округыштышт военнослужащий-влак чыланат сеҥеныт. Сайлаш мийыше-влакын чотышт 48,28 процентыш шуын. «Единая Россия» партийын кандидатше-влак 198, «Справедливая Россия - За правду» партийын еҥже-влак 10, ЛДПР-ын - 7, КПРФ-ын еҥже-влак 6, «Новые люди» партий деч кандидат-влак 2, «Гражданская платформа» партийын еҥже-влак 1 депутат мандатым айленыт. Тыгак сайлымаште 15 самовыдвиженец сеҥышыш лектын, увертара БР Рӱдӧ избирком.
Л. ШАВАЛИЕВА.