Предприятий-влакым аралыме нерген

13 сентябрьыште Уфаште нефтьым перерабатыватлыше заводым кок пилотдымо чоҥештылше аппарат атаковатлен. Еҥ-влак эмганен огытыл, предприятий штатный режим дене пашам ышта. Тидлан кӧра 15 сентябрьыште Башкортостан Вуйлык Радий Хабиров кундемысе антитеррористической комиссийын да оперативный штабын погынымашыжым эртарен. Министерство, ведомство, кугу промышленный предприятийым вуйлатыше-влак регионысо промышленный объект-влакым БПЛА полшымо дене ышталтше диверсий да террорист акт деч кузе аралаш лийме нерген каҥашеныт, лӱдыкшыдымылык пашам вияҥдыме йодышым лончыленыт.
Л. ШАВАЛИЕВА