🌺🌹А тендан пакчадам могай пеледыш-влак волгалтарат, мо куандара?

💐
🌸Мылам пеш чот сар (нарынче) тӱс келша, садлан сад-пакчаштем тыгай тӱсан пеледышым шындаш тыршем. Топинамбур пеледмыж годым кечыйол семын модеш. Тудо уремыште, пече воктен, шӱкшудо семын кушкеш.
Пошкудо ӱдырамашын шӧртньӧ шарже мыйын пакчаш шарлен пурыш, тудланат мемнан вер сита. Адакшым ты пеледыш изи годсо жапым шарныкта. Эше мые кажне ийын шуко тӱрлӧ бархацым шындем. Нуныжо шыжымат шуко жап мемнам шке чеверлыкышт дене куандарат. Рудбекият пеш чевер пеледыш, тудат мыйын кок тӱрлӧ уло. Но тений, йӱран игече-влак шогымылан ала-мо, сайынак ыш пелед.
Мланде пеледыш дене шыргыжеш, мемнан чоннам куандара.
В.ЗАЙЦЕВА.
Изи Соказа, Бирск район.