Куржталаш йӧратышылан

7 сентябрьыште Уфаште XI тӱнямбал марафоным эртарат. Куржмашке тений спортын ветеранже, шуко икшыван еш да инклюзивный спортсмен-влак ушнат.
Вийым тергашлан тӱрлӧ кужытан дистанцийым: тӱҥалше спортсмен-влак 2 километрым, спортышто кугурак опытан-влак 5, 10, 21,1 да 42,2 километрым - ойырен налын кертыт. Йоча-влак дистанцийыштым тӱҥ старт деч ик кече ончыч, 6 сентябрьыште, куржыт.
Уфасе тӱнямбал марафоным 2015 ий годсек эртарат. 2024 ийысе юбилейный марафоныш Россий мучко лу тӱжем утла профессиональный спортсмен да куржталаш йӧратыше кумылан еҥ чумырген.
Л. ШАВАЛИЕВА.