Фарш ден кабачок запеканка

Кӱлеш: 350 г кабачок, 300 г фарш, 200 г ӱмбал, 100 г сыр, 1 вуй шоган, 1 кешыр, 1 пӱй чеснок, 2 муно, шинчал ден пурыс.
Шоганым кубик семын, кешырым вичкыжын да кужун пӱчкедыман. Нуным 3-4 минут кӱшкыл ӱеш тушитлыман. Фаршым ешарыман да кешыр, шоган дене пырля тулышто эше 5 минут кучыман. Фарш комыля-влак кодыныт гын, нуным пу совла дене тыгыдемдыман. Кабачокым вичкыжын пӱчкедыман, тудымат салмаш пыштыман да изи тулеш 7-10 минут тушитлыман (вӱдшӧ чыла лектын пытышаш). Салмасе тушитлыме фарш ден пакчасаскам совла дене шымартыман, изишак темдалман. Муным, ӱмбалым, шинчалым да пурысым пырля лугыман. Тиде вартышым салмасе фарш, шоган, кешыр, кабачок ӱмбак пыштыман. Сайын шыҥыже манын, запеканкеш тӱрлӧ вере вилка дене рожым ыштыман. Ӱмбакыже теркеш нӱжымӧ сырым шавалтыман. Запеканкым иземдыме тулеш 25-30 минут кӱктыман. Салмам петыртыш дене тӱрыснек авырыме ок кӱл.