Тунеммашлан оксам пӧртылташ лиеш

Республикыште шуко йочам куштышо еш-влаклан икшывыштын вуз пеленсе колледжлаште очно тунемме роскотын ужашыжым пӧртылтат. Закон почеш, республикыште кызыт шуко икшыван еш-влаклан икшывыштын колледж дене техникумлаште очно тунемме акын пелыжым пӧртылтат. Идалыклан еш ик икшывылан 30 тӱжем теҥге наре оксам пӧртылтен кертеш. Ончыч тиде радамыш вуз пеленсе колледжлаште тунемше шуко икшыван еш гыч студент-влак пурен огытыл. Законысо вашталтыш дене келшышын, компенсацийым ынде тыгай студент-влакланат тӱлаш палемденыт (оксам 2024-2025 тунемме ийланат тӱлат). Компенсацийым тыгак шуко икшыван еш гыч 23 ийым темыдыме очно тунемше-влакланат пуат, увертара «Башинформ».
Л. ШАВАЛИЕВА