Корным тӧрлат

Шаран районышто Шаран - Новобалтачево - Андреевка маршрутышто 5,5 километр корным ачаленыт. Тиде пашам шукташ «Инфраструктура для жизни» нацпроект йӧным ыштен. Тошто Чикей лишне, тыгак Тошто Тумбагуш ден У Карьявде ялла коклаште корным саемденыт. Корно пашаеҥ-влак асфальтобетон леведышым тӧрлатеныт, корно тӱрым шотыш конденыт да разметка-влакым палемденыт. 2025 ийыште Шаран, Чекмагуш да Илиш районлаште 12,4 километр корнысо 5 участкыште саемдыме пашам шукташ шонат, увертара БР Правительство.
Л. ШАВАЛИЕВА