«Российын ончыкылыкшым чоҥена»

Тыгай лӱман III Всероссийский форумым тений 6-10 августышто Москваште эртарат. Тушко Башкирий гычат чоҥымо пашаште тыршыше специалист-влак каят. Чоҥышын кечыжым палемдаш тӱҥалмылан 70 ий темме вашеш тарватыме мероприятийыште национальный инфраструктурный проект-влакым илышыш шыҥдарыме, чоҥымо пашаште искусственный интеллектлан эҥертыме, экологий, кадр да моло йодышлам каҥашат, дискуссий, презентаций-влак, профессиональный пайрем лӱмеш торжественный ужаш лийыт. Чоҥышылан лӱмлымӧ «Антарес» тӱнямбал кинофестивальымат эртарат. Тушко кызыт 42 эл гыч 1500 утла кинофильмым колтеныт.
Э. АПТУЛМАНОВА