Пенсияга чиқиш ёшини уч йилга ошириш режалаштирилмоқда
Молия вазирлиги ҳузуридаги Бюджетдан ташқари Пенсия фонди томонидан ишлаб чиқилган “Давлат пенсия таъминоти тизимини ислоҳ этиш концепцияси" лойиҳасида Ўзбекистонда пенсияга чиқиш ёшини эркаклар учун 63, аёллар учун 58 ёшга етказиш таклиф қилинмоқда.
Концепцияда таъкидланишича, 2019 йилдан бошлаб пенсияга чиқиш учун меҳнат стажи минимумини ҳар йили бир йилданга кўпайтириб, якуний босқичда 10 йилга етказиш назарда тутилмоқда.
2022 йилдан бошлаб эса пенсияга чиқиш ёшини йилига 6 ойдан ошириб бориш ва уни аёллар учун 58, эркаклар учун 63 ёшга етказиш режалаштирилаяпти.
Расмий маълумотда билдирилишича, жаҳонда пенсияга чиқиш учун ўртача ёш 62 ёшни ташкил қилади. Қозоғистон, Тожикистон ва Қирғизистонда эркаклар 63, аёллар 58 ёшдан пенсияга чиқарилади. Пенсияга чиқиш учун меҳнат стажи минимуми эса 10-15 йилни ташкил қилади.
Ўзбекистонда эса бугунги кунда меҳнат стажи минимуми 7 йилни, пенсияга чиқиш ёши эркалар учун 60, аёллар учун 55 ёшни ташкил қилади.
https://www.instagram.com/ozodlikradiosi/
Комментарии 129