Афғонистон Ўзбекистонга нефть юкланган 67 та цистернани қайтариб юборди
Афғонистон 3,4 минг тонна нефть юкланган 67 та цистернани Ўзбекистонга қайтариб юборган. Бу ҳақда Афғонистон миллий стандарт агентлиги (ANSA) X тармоғидаги ўз саҳифаси орқали маълум қилди.
Ўзбекистондан келган нефть сифати ёмон бўлгани учун қайтариб юборилганини билдирган агентлик вакиллари бу икки давлат ўртасидаги юк етказиб беришда илк нохуш ҳолат эканини қайд этишган. Афғонистонлик мулозимларга кўра, ҳозирда мамлакатда сифатсиз ёқилғи ва нефть олиб кирилишининг олдини олиш бўйича дастур амалга оширилмоқда.
ANSA вакилларининг мазкур баёнотга “Ўзбекнефтегаз” АЖ муносабат билдирган. Ўзбекистонлик мулозимларга кўра, нефть сифатсизлиги бўйича Афғонистон стандарт агентлиги томонидан тарқатилган маълумот “ҳеч қанақа асосга эга эмас”.
“Ўзбекнефтегаз” қайдича, Uzbekistan GTL МЧЖ заводида ишлаб чиқилган 3,4 минг тонна маҳсулот 24−26 июнь кунлари туркиялик харидорга топширилган. Ўзбек расмийларига кўра, “дизель ёнилғиси учун синтетик компонент EN 15940 Европа стандартига мувофиқ Марказий Осиё давлатлари орасида фақатгина Ўзбекистонда “O’zDSt 3134-2017” давлат стандарти асосида ишлаб чиқарилади” ва бу стандарт ҳали Афғонистонда жорий этилмаган.
Хабарномада экспорт жараёнида синтетик дизель ва унинг компоненти Афғонистон стандарт агентлигида рўйхатдан ўтмагани ҳақида харидорга ҳам маълум қилингани урғуланган.
Ўзбекистон томони харидорга топширилган “сифатли маҳсулот учун тўлов 100 фоиз амалга оширилган”и, юк “Афғонистон ҳукумати томонидан “Uzbekistan GTL” МЧЖга сифатсиз маҳсулот сифатида қайтарилмаган”ини иддао қилган.
“Шартнома шартларига асосан харидор маҳсулотни қайси давлатга олиб бориб қандай усулда сотишини ўзи белгилайди”, дейилган “Ўзбекнефтегаз” АЖ хабарномасида.
Sisternade neftni qayta tekshiruvdan otkazish kere , chunki bizani odatimizda orasiga oralatish bor u chiqayotganda sifatli bògan bòlishi mumkin lekin yòlda kimdu "ishlov " bergani aniq, uy qurilishlaridayam oddiy yòl ta'mirlashdayam shu ahvolku kotta kotta harajat qilinadi yòlni yo toshi yetib kemiydi yo qum shaģali yetib kemiydi.....
Aslida ular bizni uylab shunday qilgan menimcha bularni nefti uziga yetmay qiynalib yotishibdi biz ham sherik bulib yana qiyin ahvolga solib quymaylik deyishganmi
Комментарии 21
факат, узбда ,,ЯРОКЛИ" деб сотилади.
Бунда катталарни ,,аралашуви" бу́лади.