102 ëшга қадар илмий фаолиятини давом эттирган Гуддолл яқинларга қадар ўз ҳаëтини мустақил шаклда яшаб келган. Аммо бир неча ой олдин¸ 104-туғилган кунидан кейин яшашнинг қизиғи қолмаганидан ўз ҳаëтини ўзи тугатиш ҳақидаги қарорга келган.
- 90 ëшгача жуда яхши яшадим. Ундан кейинги ҳаëтимда¸ гарчи қўлимдан келганн ҳамма нарсани қилган бўлсам ҳам¸ маза-таза қолмади¸ деди ўлим келишини кутиб¸ ночор ҳолда кун кечиришни давом эттиришни истамаслигини изоҳлаган олим.
Унинг Австралияда ўзини тиббиëтчилар кўмагида ўлдириш сўрови¸ бу мамлакат қонунчилигида бунга рухсат берилмагани учун¸ қондирилмади.
Шундан сўнг у нодавлат гуруҳлари ва жамоатчилик тўплаган маблағ ҳисобига тиббиëтчилар кўмагидаги суиқасдга қонуний рухсат мавжуд Швейцарияга учиб келди.
10 май - унинг ўз ҳаëтига ўз қарори билан якун ясаши учун белгиланган кун арафасида Гуддолл¸ Швейцариянинг Базель шаҳрида журналистлар билан учрашди.
Олим халқаро майдонда жиддий қизиқиш уйғотган ўз қарорига тўхталиб :
- Яшашда давом этишни бошқа истамайман. Менга эртага ҳаётимни тугатиш имкони берилгани учун Швейцария ҳукумати ва мени қўллаб-қувватлаганлардан миннатдорман. Менга ўхшаб¸ узоқ яшаб¸ ҳаëтдан тўйганларнинг ўз умрини чиройли тарзда тугатишига рухсат берилиши муҳимдир, - деди олим.
Журналистлар ундан ўлими олдидан бирор ашулани тинглашни танлагани ёки йўқлиги ҳақида сўрашганда, ҳали бу ҳақда ўйлаб кўрмаганини айтди.
- Аммо бирор ашула танлашим лозим бўлганида, Бетховеннинг 9-симфониясини танлаган бўлардим - деди Гудолл.
Бунинг ортидан олим олмон тилида Фридрих Шиллернинг “Шодлик қасидаси” куплетини хиргойи қилиб берди. Бетховен ўзининг 9-симфониясида бу қасидадан фойдаланган.
- Умримни Австралияда тугатишни хоҳлаган бўлардим. Бу масалада Австралия Швейцариядан ортда эканлигидан афсусдаман, - деди у.
Гудолл ўз қарори кўп қизиқиш уйғотгани Австралия ва бошқа давлатларда ëши кексаларнинг ўз умрини тиббий хизмат ходимлари кўмагида тугатишини тақиқловчи қонунлар ўзгаришига туртки бўлишига умид билдирди.
Инсоннинг ўз жонига тиббиëт ходимлари ëрдами билан қасд қилишига кўмаклашиш аксар давлатларда ман этилган. Аммо Швейцарияда 1942 йилдан бери бу амалиëтга қонунан рухсат этилган
Гуддол 10 май куни Швейцариядаги Lifecircle марказида махсус укол ёрдамида аввалига ухлатилади. Уколдан ярим соат ўтгач¸ у уйқу ҳолатидан биологик ўлимга ўтади.
Олим ҳаëтининг сўнгги дақиқаларида унинг набираси ëнида бўлади. https://www.instagram.com/ozodlikradiosi/
Присоединяйтесь к ОК, чтобы подписаться на группу и комментировать публикации.
Комментарии 109