"Фарғона тумани Лоғон қишлоғидан мактуб йўлламоқдаман. 1995 йилдан буён болаларга боксдан сабоқ бериб келаман. Ҳозирга келиб спорт залимиз ўта ташландиқ ҳолатга тушиб қолган. Шунга қарамай юрагида ўти бор болаларни шуғуллантириб келмоқдамиз. Залимизни таъмирлаб беришларини сўраб маҳалла раиси, ҳокимга мурожаат қилдик. Муаммомизни ҳатто "Севимли" телеканалида ёритишди, аммо фойдаси бўлмади. Юртимизда боксга катта эътибор берилгани сабаб, мана, сўнгги Олимпиада ўйинларида Ўзбекистон термаси боксда тенгсиз эканини кўрсатди. Бизнинг спорт залимиздан ҳам Ўзбекистон, Осиё чемпионлари етишиб чиққан. Масалан, Осиё чемпиони Лазизбек Муллажонов залимизда тарбияланган. Агар спорт залимиз замонавий талаблар даражасида таъмирланса, чемпионлар янада кўпроқ чиқиши аниқ.
Президентимиз Шавкат Мирзиёев шу йил 24 март куни жисмоний тарбия ва спорт соҳасини янада ривожлантиришга доир қарор чиқарди. Наҳотки, давлат раҳбари қарор чиқарганидан кейин ҳам спорт залимизни таъмирлашга ёрдам беришмаса?!" https://www.instagram.com/ozodlikradiosi/
Присоединяйтесь к ОК, чтобы подписаться на группу и комментировать публикации.
Комментарии 420