Feed

КОНКУРС ❗ КОНКУРС❗КОНКУРС❗
✅Кельгома ялгат! «Якстерь тяштеня» журналсь ётафты шабатнень ёткса фотоконкурс – «Мокшень щамозе». Пялькстомс ули кода 12 кизонь топодемс стирнятненди-цёранятненди. 👫
☝Эрявксты кучемс редакцияв фотография мокшень щамса и аф лама азондомс колганза: кепотьксонди, кодама районца тяфта якайхть, кие щамть стаец и стак тов. ⤵
Редакциять адресоц: 430005, Саранск ошсь, Советскяй ульцясь, 22 кудсь; электроннай почтась :yakster@e-mordovia.ru Тяфта жа фотографиятнень можна кучемс «Якстерь тяштенять» группас ВКонтакте социальнай сетьса.
Конкурссь моли 20-це мартти. Учтама! Сяськихненди редакциясь аноклась казнет. 🎁🎁🎁
Дорогие друзья! Журнал «Якстерь тяштеня» объявляет фот

Feed

#Мокшеньщамозеконкурсякстерьтяштеня
Фотоса: Шичкина Полина (6 кизонза). Стирнясь якай Ковылкина ошень "Ромашка" идень садику. Стирнять лангса Порапа велень мокшень щам.
Шичкина Полина воспитанница детского сада "Ромашка" Ковылкинского муниципального района Республики Мордовия Она представляет мокшанский костюм с. Парапино Ковылкинского района. Костюм состоит из рубахи "панар", передника, расшитого атласными лентами, "сапоня". Головной убор включает в себя цветной платок "руця" и налобную повязку "ашкоркс". Обязательными элементами костюма являются поясные и нагрудные украшения( ожнат, баяравань крганя, цифкс, крескеле).

Feed

И ТАГА КОНКУРС❗
"Якстерь тяштенять" 1-це номерсонза лиссь Елена Шиловать "Ежимилась - мазы сеель-стирня" повесть-ёфксоц. 📚Лувость сонь и пяшкодесть заданиятнень.⬇⬇⬇
З а д а н и я т н е:
1. Арьседа эсь эздонт Ежимилать и Волкашкать колга нюрьхкяня азкскя: кодама тевс-палас синь повихть, кода лездыхть фкя-фкянди, мезень цебярьс тонафтыхть фкя-фкянь и вирень эряйхнень. Или рисавада рисунка.
2. Арьседа азкскя лопав вирень эряйхнень колга: кодама нармотть и зверьхть эряйхть лопав вирьса, кода вятема прясна, а кода аф. Или
рисавада рисунка.
*Тиф заданиятнень 15-це февральть самс кучесть «Якстерь тяштеня» журналть редакцияс сёрмаса, электроннай почтазонза или Вконтакте группазонза.
*Инь цебярьст

Feed

#Мокшеньщамозеконкурсякстерьтяштеня
Краснослободскяй райононь Сире Сендру велеса ламоц шабатнень улихть мокшень щамсна (велеса мярьгихть нулат).
Тяфта кудъёткова якайхть Софья Перьфильева, Александра Перьфильева и Есения Гущина. Софья и Александра тонафнихть Саранскяень 30№ школаса, а Есения якай идень садику.
Щапнень стайсна Валентина Викторовна Щанкина.

Feed

Ковылкинскяй райононь Вечкеня велень школаса ётафтовсь «Блокадань кшись» лем ала мероприятия. Иттненди азонтфоль Ленинград ошень блокадать колга, кода стакаль ломаттненди, а сядонга пяк иттненди. Ашельхть лямбе щапт, ашель мезьда ярхцамс. Тонафнихненди явфоль кши кочамнянь.

Feed

#Мокшеньщамозеконкурсякстерьтяштеня
Фотоса Алёна Абрамова.
Стирняти ниле кизот, якай Ковылкина ошень «Сказка» идень садику.
Щамонц стазе машты кядь мокшавась Елена Николаевна Гуськова.

Feed

ТОНАФТЫЕНЬ ПАВАЗУ ЭРЯФ
Тонафты! Кодама валда и лямбе тя валсь. Тонафтыень тевсь сотф и шабань пеедемать, и тядянь кельгомать мархта.
Нильгемонь ветие киза Лариса Леонидовна Житаевась покодсь школаса. Вятезень мокшень кялень и литературань урокнень.
Тяни сон пенсияса, но кельгома тевонц колга аф юксни.
Мокшавась кассь учителень семьяса. Аляц Леонид Филиппович лама киза покодсь Сире Шайгавонь Акшов велень школаса. Тяка тевса заняфоль и акац Агафья Филлиповна. Лариса и оцю сазороц, Ирина, фалу сявондсть эздост пример. Аф стак синьге тусть тяка киге.
Н.П. Огарёвонь лемса университетть аделамда меле Лариса Леонидовна кучфоль работама Торбеевскяй райононь Салазгорь вели. А мзярда ётась эряма Ковы

Feed

АЗОРАВАСЬ-ТЯЛОСЬ
Азоравась-Тялось, павась,
Пяк ни мазы мокшень авась,
Азорондама сась пялонк.
Иттне учсесазь сонь яла.
Шиньберьф жалфсна панда пряса,
Курькснихть соксса, нурдоняса!
Ловонь бабась парьшка тяса,
Мялец ардомс нурдоняса!
Менельса пеетькшни ковнясь.
Цифторды сияса ловнясь,
Шуфтонятнень карясь-щась,
Тёждя, акшеня веть прась.
Кудсост тядятне аф удыхть,
Идьснон эса учихть куду,
Наряжаф кузняснон алу
Казнет путсть, Од Кизось мала!
Церькавбрясь зрняса палы.
Роштувась сай курок! Тяла,
Тяла-Тялоня, тонь лофнень
Кельгсазь тялонь сембе кофне!
Тяла-Тялоня, тонь эйхнень
Кельгсазь сембе эрьхкне, ляйхне!
Роштувань крьвязи Тяштсь!
Кенярдемась сувай мяштьс!
/Рая Орлова/

Feed

#Мокшеньщамозеконкурсякстерьтяштеня
Ольга Кудашкина тонафни Ковылкинскяй райононь Вечкеня велень школань 2-це класса. Сон пяк кельгсы мокшень щамса якаманц, эсь кяльса стихонь азондоманц. Нарядонц теенза стазе велень мастерицась - Раиса Фёдоровна Ворожейкина.

Feed

#Мокшеньщамозеконкурсякстерьтяштеня
Фотоса Арина Адушкина. Стирнясь якай Саранск ошень 9 № идень садику.

Feed

#Мокшеньщамозеконкурсякстерьтяштеня
Тя фотографияса Ксения Шичинова. Сон тонафни Кадошкинскяй райононь Адаж велень школань 2-це класса.
Лангсонза тяниень пингонь мокшень панар - Адаж велень. Нарядть стазе Светлана Васильевна Кузнецова, велень мастерицась.
Show more