Луви ялганьке! Тясть юкста сёрматфтомс «Якстерь тяштеня» журналть 2022-це кизоть омбоце пяленцты! Сон тинь пара ялганте. Кармай лездома тонафнемаса, лацкас ётафнемс ваймама пингонтень, касфнемс содамошинтень, тонафттядязь лама пара тевс. Журналть ули кода сёрматфтомс Мордовиянь связень эрь отделенияса. Питнец: 6 ковонди – 168 цалковай, колмонди – 84 цалковай. Индексоц П4629.

СЁРМАТФТОДА «ЯКСТЕРЬ ТЯШТЕНЯ» Ялгат, сёрматфтода «Якстерь тяштеня» сай кизонди и сон кармай теенть лездома тонафнемаса: пачфнема кулят шачема аймакста, содафнема мокшэрзянь писательхнень, поэттнень, композиторхнень, художникнень, артисттнень мархта. Тяда башка тонаттада налхкшень тиема, задачань-кроссвордонь кельгихне фалу муйхть прянь синнемкат. Тинцьке тяда ноласькоткшне, кучседа од стихт, ёфкст, азкст. Редакцияв сашенды сёрманте лезнихть тиендемс журналть сядонга мялень салайкс. «Якстерь тяштенять» индексоц П4629. 6 ковонди питнец - 159 цалковай, колмонди – 79 цалковай 50 трёшник. Эряскотт сёрматфтомс инь уцез журнал

МОЛИ СЁРМАТФТОМАСЬ «ЯКСТЕРЬ ТЯШТЕНЯ» ИДЕНЬ ЖУРНАЛТИ Ялгат, мокшень ломатть! Кие кельгсы эсь шачема кяленц и мялец сонь ванфтомс, сёрматфтода «ЯКСТЕРЬ ТЯШТЕНЯ» Сон туй аф аньцек шабантень, уноконтень, но и эсь мялезонт. Тяста луфтада и стихт, и пеетьфти-рахафты азкст, и сценкат, и лама мезе лия. Редакцияти пяк эряви тинь лезксонте! Минь аноктама кучсемс журналть эрь ошу. Пяле кизонди питнец – ⃣⃣⃣цалковай (кда кармай пачфневома лия региону– ⃣⃣⃣ цалковай). Сёрмадода тейнек и минь лезттама тиемс подписка! ИДЁТ ПОДПИСНАЯ КАМПАНИЯ НА ДЕТСКО-ЮНОШЕСКИЙ ЖУРНАЛ "ЯКСТЕРЬ ТЯШТЕНЯ" Дорогие друзья, мокшане! Началась подписка на детско-юношеский журнал «ЯКСТЕРЬ ТЯШТЕНЯ». Выписав и

СЁРМАТФТОДА "ЯКСТЕРЬ ТЯШТЕНЯ" Ялгат, сёрматфтода "Якстерь тяштеня" 2020-це кизоть омбоце пяленцты и сон кармай теенть лездома тонафнемаса: пачфнема кулят шачема аймакста, содафнема мокшэрзянь писательхнень, поэттнень, композиторхнень,, художникнень, артисттнень мархта. Тяда башка тонаттада налхкшень тиема, задачань-кроссвордонь кельгихне фалу муйхть прянь синнемкат. Тинцьке тяда ноласькоткшне, кучседа од стихт, ёфкст, азкст. Редакцияв сашенды сёрманте лезнихть тиендемс журналть сядонга мялень салайкс. "Якстерь тяштенять" индексоц П4629, пяле кизонди питнец 141 цалковай 90 трёшник.

ВОЙНАСЬ ИДЕНЬ СЕЛЬМОВАНФСА ЯЛГАТ!!! Кирдемок мяльса Великай Отечественнай войнаса Сяськомати 75 кизонь топодемать, «Якстерь тяштеня» журналсь ётафты «Войнась идень сельмованфса» лем ала азксонь и рисункань конкурс. Синь можнат кучемс кода редакциять адресс: 430005, Саранск ошсь, Советскяй ульцясь, 22 кудсь; стане и электроннай почтав: REDSTAR1988@ya.ru. Пялькстомась кармай молема 9-це майти. Инь цебярь азксне и рисункатне печатлавихть журналса, путовихть «Якстерь тяштеня» группати ВКонтакте и Одноклассники социальнай сетьса. Конкурсса сяськихненди редакциясь аноклась казнет.

«Войнась идень сельмованфса» конкурсти АРАЛАЕНЬКОНДИ Лама кизода ни ётась, Кода шумордавсь войнась. Кода сят, кит тюрсть минь инксонк Шачем кудозост мрдасть. Тянемс атяньке-геройхне Лятфнесазь ся стака кить, Кода якшамсь пицесь ронгснон, Кода сяськозь вачашить. Кода ялгаснон юмафнесть Вишке бойса шиста-шис, Кода сярятьфть эзда ойкснесть, Мярьгат, адста мяневсть-лиссть. Катк мзярдонга аф кайги Миньцонк кяжи валсь «войнась». Курок тага оцю праздник, Курок Сяськомань тундась. Ольга Кудашова, Зубово-Полянскяй райононь Потьма велень школань 8-це класса тонафнись.

#Мокшеньщамозеконкурсякстерьтяштеня
Тимофей Учуваткин эряй Темниковскяй райононь Вирь Келгужа велеса. Школав якай Темникав ошу, теенза 10 кизот. Фотографиясь тиф Вирь Келгужень этнокудса.

ЗИЯН
Ёфкскя
Эрясь-ащесь казаня,
Ульсть сонь кафта лефксканза,
Ёмланят и тазанят,
Якасть-шарондсть перьфканза.
Вирьса ляпе варманясь
Сюдерязень лопатнень,
А фкя лефкскясь-казанясь
Сюволязень копнатнень.
Тяза-тоза комотни,
Пачкодсь начка кужети.
Няезь ляди ломаттне –
Пезсь сон кужа ужети.
Тоза ласьки казанясь,
Ласьки, а сонць аварди,
Повсь зияну шабаняц.
Тядянь седись сяворди:
- Киртть аф ламняс, лефкскяй, нинге
Ласькан-тердян тяза киньге. –
Тишень ляди алят тердсь:
- Таргасть рдазста ёмланять. –
Тарксесть алятне шиньберьф
Каза лефкскять-сёрмавнять.
Таня Кистенёва,
Кадошкинскяй райононь
Адаж велесь.

#Мокшеньщамозеконкурсякстерьтяштеня
Шумбрат, "Якстерь тяштеня". Пяк пара, мес ётафнетяда тяфтама мялень салай конкурст. Монга кучса племянницазень фотографиянц мокшень щамса.
Ангелина Олейник эряй Самарскяй областень Жигулёвск ошса, теенза сисем кизот.
Паронь арьсезь, Людмила Антясова.

#Мокшеньщамозеконкурсякстерьтяштеня
Таркина Мариясь эряй Зубово-Полянскяй райононь Тархан-Потьма велеса. Тонафни 6-це класса. Стирнять касфтсы бабац Таркина Мария Фёдоровнась. Тя питни щамсь Машанди сатовсь эздонза. Тяфта яксесть велесост од рьвянятне. Щащендсть акша панар, сапоня, крганьберьф, гайтан, ожнат. Пряснон сотнекшнезь панчфу руцяса, мазопнезь коняфксса.

Тячи Рузаевский райононь Левжа велеса ëтасть мокшень журналистти, писательти Н. И. Учватовонди лемтьф лувоматне. Пуромкшнесть инжихть Саранскяйста и райононь ламоц школатнень эзда. Сценаста кайгсть стихт, морот, азфоль писательть колга лама пара валда.

#Мокшеньщамозеконкурсякстерьтяштеня
Стирнятне Катя Козлова и Алиса Купряшкина якайхть Саранск ошень 86- це идень садику.
Щапнень стазень машты кядь авась Наталья Викторовна Ереминась.

ФЕВРАЛЬСТА
Нинге улихть порфт и вармат,
Китнень вельхтясыне ловсь,
И куватьс уфама кармайхть
Лотку, лашму, коза-повсь…
Но лияста туцять фталда,
Оцю кинцты ётамбачк,
Шись тейть кяденц макссы ялгакс
Солаф вальмя глянцекть пачк.
/Анатолий Тяпаев/

#Мокшеньщамозеконкурсякстерьтяштеня
Фотографияса Куколева Валерия и Петреченко Евгений, 4-нь кизосна. Иттне якайхть Ковылкина ошень "Теремок" идень садику.
Щапнень теест стазь: Вера Ивановна Вишчкова и Галина Ивановна Мелькаева.