Предыдущая публикация
— Кел, жонсарак жигарбандим!
Ахийри тиндинг-а?
— Сиз кимсиз?
— Мен ўша сен фахрланган ва ҳаётингда дастуруламал қилган “Тузуклар” соҳиби Амир Темурман!
— Отажон, ниятларим кўп эди. Улгуролмадим...
— Ўғлим сен билан фаҳрланаман!
— Нега ота?
— Қара, ёш келинчакнинг кўзида аччиқ ёш. Аммо, қозон бошида овқат қиляпти. Демак, келажакдан умидвор. Ойна латтаси билан билан аламли ёшини артиб турган такси ҳайдовчиси тўғридаги мижоз томон кетяпти. Демак, мақсади бор. Дунё юзини кўрган чақалоққа “Ислом” исми қўйилди. Шукрки, халқинг сени ардоқлайди. Миллатингни чеҳрасига боқ. Хомуш, илло қадди тик. Қадами тетик. Мен истаган раиъат қолдирдинг. Ишонаманки, бу авлод иккинчи маротаба менинг қалбимни номардларга оёқости қилдирмайди. Магарки, сен айтгандек бу халқнинг бир тану-бир жон бўлиб аҳил яшаса, сенинг, менинг руҳимни шод этса қабримиз мангу нурга тўлади. Телевизорга термулган болакайни қара! Бу болакай бугун етим қолганини билармикин?
— Сен халқингга ишонасанми болам?
— Ишонмаганимда шу жафокаш халқ учун жонимни тикармидим? Не дарду-бало келса тик туриб симирармидим? “Пахта иши” касофатидан зор қақшаган онаизор учун қон кечармидим? Қайси йиғилиш бўлмасин, мунис опа-сингилларимиз бахту-иқболи учун жон куйдириб гапирармидим? Йигит-қизларимиз дунёда энг бахтли авлод бўлишлари йўлида азиз умримдан кечармидим? Уларни бағримга босиб: “Фарзандларим! Президент сизга айтяпти. Маррани катта олинг, давр бизники, замон бизники”-дея кўзларидаги ўтни алангалатармидим?
— Ишонинг ота! Садоқатли халқим бизга панд бермайди. “Темурийлар даври тарихи ва музейига оид лавҳаларнинг асл моҳиятини ҳеч қачон унутмайди. Хотира майдонидаги Мотамсаро она ҳайкалидан ибрат олади. Бахтиёр она пойини лойга ботирмайди. Аллоҳнинг уйи масжидларни чаёнга тўлдирмайди. Азиз авлиёлар масканларига номардни яқинлаштирмайди. Қоракўз қизларим, шижоатли ўғилларим менга тош отмайди. Ёлвораман, она юртини чиябўрларга сотмайди.
— Тушимга кирдингиз ота! Сиз қурдирган Қаршидаги кўпригингизни қайта таъмирладим.
— Биламан ворисим! Сен адолатли ва камтар эдинг.
— Қара, сени ўлди дейишди миллатинг ишонмади, номингни абадийлаштириш ҳақида сўзлаганда иложсиз ишонди.
— Юр, болам сени Ал-Бухорий, Мотурудий, Марғилоний, Улуғбеклар кутяпти. Жаннатмакон юрт ҳурмати шаҳид кетган Жалолиддин, Кубролар сени чорлаяпти. “Шаҳидлар хотираси” майдонида сенга муҳтож Фитрату-Чўлпон, Қодирийлар кутмоқда.Қайғудошим! Мусибатни енгишимиз шарт.
Муҳтарам юртбошимиз ўзларидан сўнг йиғлоқи миллат қолдирмаган. Сабрли ва у зот танлаб берган йўлдан оғишмайдиган халқ тарбиялаган!Шунчалар қадрласанг, сочингни юлма, уввос солма! Муборак қабрлари титрамасин.Шунчалар ардоқласанг, ер текма, ўзингни ерга отма! Покиза тобутлари чайқалмасин.Шунчалар шу инсонга ўрганиб қолган бўлсанг, сўзларини унутма, юртингни сотма! Муқаддас руҳлари чинқирмасин. Шунчалар миллат халоскорига содиқмисан, тупурма! Оғзингдаги қонни душманинг кўрмасин. Шерюракка муносиб авлод бўл!!! Нафас олмоқдамиз. Дўст унутма! Агар шундай қайғули дамда синмасак, ичимидан сотқин чиқмаса, бизни ҳеч ким синдира олмайди.Қара, кўчалар сокин, осмон фаворон. Нега? Сабаби биз танлаган “Ўзбек модели” оғишмасдан бир маромда ишлаяпти. Шундай экан кел, Буюк Сарбон ҳурмати озод ва обод Ўзбекистон сари олға!!! Ватандош, бугун осмон йиғлайди, аммо унутма миллат отаси энди йўқ, аммо у севган ўзбек эли барҳаёт!Инна лиллаҳи ва инна илайҳин рожиъун(Барчамиз Аллоҳдан келдик ва ўзига қайтиб боргувчимиз)
Интернетдан олинди
Следующая публикация
Комментарии 16