🍉 Ձմերուկի հայրենիքը համարվում է Կալահարի անապատը (Հարավային աֆրիկա): Այնտեղ մինչև հիմա էլ վայրի պայմաններում աճում են ձմերուկներ, որոնց քաշը չի գերազանցում 200 գրամը: Դրանք սակայն ուտելու համար պիտանի չեն:
🍉 Ներկայումս աշխարհում գոյություն ունի ձմերուկի մոտ 1200 տեսակ (նաև դեղին, նարնջագույն, վարդագույն), որոնք աճեցվում են 96 երկրներում: Դեղին ձմերուկն օրինակ ստացել են սովորական և վայրի ձմերուկների խաչասերումից: Իսկ առհասարակ ձմերուկի բնական կարմիր գույնը վկայում է լիկոպինի առկայության մասին, որի պարունակությամբ ձմերուկն առաջատար է: Այն իջեցնում է քաղցկեղով հիվանդանալու հավանականությունը:
🍉 Եգիպտոսում մինչև այժմ էլ պահպանվում է ձմերուկի մի տեսակ, որը խնձորի չափ ունի, և մարդիկ օգտագործում են միայն նրա սերմերը։ Ձմերուկի հետաքրքիր տեսակ են ստացել ճապոնացիները, որն ունի խորանարդի տեսք: Ուկրանիայում ստացել ետ մի պտուղ (կավբուզ), որն ունի ձմերուկի հոտ, բայց համն ամբողջությամբ սեխի է: Հետաքրքիր տեսակ է նաև “աֆրոձմերուկը”, որն ունի սև կեղև, իսկ սերմերը ընդհանրապես բացակայում են
🍉 Ձմերուկի աճեցման ծավալով բացարձակ առաջատարը Չինաստանն է (70 մլն տոննա), որտեղ տարեկան մոտ 16 անգամ ավելի ձմերուկ են աճեցնում, քան 2-րդ տեղում ընթացող Թուրքիայում (4,4 մլն տ), երրորդ տեղում Իրանն է (3.8 մլն): Ի դեպ ձմերուկը թուրքերենից բառացի թարգմանած ստացվում է “էշի վարունգ”, իսկ մեր մյուս հարևաններն էլ՝ պարսիկները ձմերուկն անվանում են “սեխ”:
🍉 Մինչ այժմ մարդուն հանդիպած ամենամեծ ձմերուկը կշռել է 120 կգ, որն աճեցրել են ԱՄՆ: Եվրոպայում ամենամեծ ձմերուկը աճեցրել են Կրասնոդարի այգեգործները, որոնց արդյունքը Գինեսի ռեկերդակրին զիջում է կրկնակի անգամ՝ 60 կգ: Ամենափոքր ձմերուկները, որոնց հասակն ընդամենը 3-4 սմ է, կոչվում են Pepquinos: Դրանց համն ավելի շատ հիշեցնում է վարունգի:
🍉 Ձմերուկը, որը համարվում է հատապտուղ, 92 % բաղկացած է ջրից: Պարունակում է մեծ քանակությամբ վիտամին A և B6, ինչպես ամենակարևոր և հզոր հակաօքսիդանտներից մեկը՝ վիտամին C, որի նորման լրացնելու համար բավական է օրական ուտել 4 կտոր ձմերուկ:
🍉 Ինչպես շատ այլ մշակաբույսեր, ձմերուկի աճեցման ընթացքում ևս օգտագործվում է շատ քիմիկատներ ու թույներ: Պարզելու համար այն բնական է թե ոչ, բավական է մի կտոր ձմերուկ դնել ջրի մեջ, եթե ջուրը կարմրի, ապա այն պետք է դեն նետել:
🍉 Այն պարունակում է նաև տարբեր հանքանյութեր՝ հատկապես կալիում և մագնիում:
Ձմերուկը իջեցնում է արյան ճնշումը և լավացնում անոթների անցանելիությունը: Արյան ճնշման իջեցմանը նպաստում ե նաև այն, որ ձմերուկը օրգանիզմից դուրս է բերում աղերը: Այսպիսով, ձմերուկը լավ բուժիչ միջոց է հիպերտոնիայի սկզբնական շրջանի բուժման համար:
Հաճախ ձեր սննդակարգում ներառեք ձմերուկ։ https://aqlor.am/շուկա/ձմերուկ/ #ձմերուկ
https://aqlor.am/%d6%83%d5%a5%d5%bf%d6%80%d5%be%d5%a1%d6%80%d5%ab-%d5%b4%d5%a9%d5%a5%d6%80%d6%84%d5%b6%d5%a5%d6%80%d5%a8/
https://aqlor.am/%d5%b0%d5%ab%d5%be%d5%a1%d5%b6%d5%a4%d5%b8%d6%82%d5%a9%d5%b5%d5%b8%d6%82%d5%b6%d5%b6%d5%a5%d6%80%d5%ab-%d5%bd%d5%b6%d5%b6%d5%a4%d5%a1%d5%af%d5%a1%d6%80%d5%a3-%d5%b0%d5%a1%d5%a6/
Присоединяйтесь к ОК, чтобы подписаться на группу и комментировать публикации.
Нет комментариев