Предыдущая публикация
Беҳурмарӣ ба Қуръони Карим дар Шветсия
Дар аввалин рӯзи иди саиди Фитр, як ҷилди Қуръони Карим дар муқобили масҷиди Стокголм Шветсия сӯзонда шуд.
Ба гузориши Ал-Кумбас, дар рӯзе, ки мусулмонон дар Шветсия иди Фитрро ҷашн гирифтанд, ду нафар бо дарёфти муҷаввизи таҷаммӯъ як нусха аз Қуръонро дар беруни масҷиди Стокголм сӯзонданд.
Бо ҳузури полис дар маҳал, ба ду нафар иҷозаи баргузории таҷаммӯъи умумӣ дода шуд.
Масъулони ин масҷид бо судури баёнияе нисбат ба судури чунин муҷаввизе аз сӯи полиси Шветсия ибрози ноумедӣ карданд.
Дар ин баёния омадааст: масҷиди Стокголм аз ин ки полис бори дигар дар иди саиди Фитр ба ду нафар иҷоза дод Қуръонро дар муқобили масҷиди Стокголм бисӯзонанд ибрози ноумедӣ мекунад. Ин дувумин соли паё пай аст, ки шахсе дар яке аз муҳиммтарин идҳои тақвими исломӣ, ки ҷашн ва сарвар ҳамаи мусулмонон аст, Қуръонро ҷилави дидагони боздидкунндагони масҷид месӯзонад. Мо мӯътақидем мувоҷиҳа бо ин намоишҳои номатлуб барои намозгузорони мо ба вижа кӯдакон ғайриқобили қабул аст ва ҳамчунин нигарони ин ҳастем, ки сӯзондани Қуръон дар таътилоти исломӣ дар ҷилави масоҷид ба як ҳанҷари ҷадид табдил шавад.
Дар бахши дигаре аз ин баёния омадааст: дар моҳҳои ахир, масҷиди Стокголм дар маърази анвоъи ҷароими ноши аз нафрат будааст. Панҷараҳои масҷид борҳо шикаста шуд, дарҳои вурудӣ бо салиб шикаста рангомезӣ ва номаҳои ҳовии паёмҳои мубтанӣ бар нафратпароканӣ ба масҷид ирсол шуд. Мо шоҳид ҳастем, ки чигуна фазои иҷтимоӣ дигаргун ва чигуна нажодпарасти алайҳи мусулмонон ташдид шудааст. Сӯзондани Қуръон зарбаи дигаре ба озодии мазҳабӣ аст.
Ин баёния меафзояд: полис ба масъулони ин масҷид иттилоъ дод, ки муҷаввизи ин таҷаммӯъро содир кардаанд ва мӯътақид аст, ки ҳеҷ мабнои қонунӣ барои ҷилавгирӣ аз он надорад. Мо истифода аз масҷидро ба унвони маконе барои ибрози танаффури мухарриб ба шиддат маҳкум мекунем. Сӯзондани Қуръон дар хориҷ аз масҷид набояд «нақди дин» ё баёни озодии баён талаққӣ шавад, балки иқдоме бо ҳадафи таҳрики гурӯҳи дигар аст, ки қаблан қонун онро мамнуъ кардааст. https://tajikpress.com/2024/04/11/%d2%9b%d1%83%d1%80%d1%8a%d0%be%d0%bd%d0%b8-%d0%ba%d0%b0%d1%80%d0%b8%d0%bc-%d1%88%d0%b2%d0%b5%d1%82%d1%81%d0%b8%d1%8f/
Следующая публикация
Нет комментариев