Парда Қосим овозхони шинохтаи Тоҷикистон даргузашт.

Марҳум унвони Ҳунарпешаи мардумии Тоҷикистон дошта, дар 76-солагӣ аз олам чашм пӯшид.
Иллати марги ӯ ва ҷанозааш ҳоло эълон нашудааст.

Дар Тоҷикистон чор рӯзи охири моҳи июн истироҳатӣ аст.

Ва ин ҳам ба хотири Рӯзи Ваҳдати миллӣ аст, ки 27 июн ҷашн гирифта мешавад.
Ба иттилои Федератсияи иттифоқҳои касаба рӯзи 22 июн, ки шанбе аст, рӯзи корӣ буда, аз рӯзи 27 то 30 июн рӯзҳои истироҳатӣ эълон шудааст.
Маълумоти пурратар дар тасвирбаёни @Sputnik_Tajikistan

Тоҷикистон ба ҳалқаи энергетикии Осиёи Марказӣ баргашт.

Далер Ҷумъа дар ҷаласаи СҲШ гуфт, Тоҷикистон ба системаи ягонаи энержӣ, ки соли 2009 аз он хориҷ шуда буд, дубора пайваст мешава.
"[Лоиҳа] имкон медиҳад, ки имкони пурраи ҷараёнҳои мутақобилан судманди барқ] истифода шавад ва ҳамзамон эътимоднокии системаи энергетикии минтақаро тақвият бахшад", - гуфт вазир.
Қаблан онҳо нақша доштанд, ки ин системаро дар ғарби кишвар дубора васл кунанд ва дар мавриди бунёди хатти нав дар марз бо Узбакистон низ музокирот сурат гирифта буд.

Тоҷикистон фурӯши “либосҳои хориҷӣ”-ро расман манъ кардааст.

Пас аз тасвиб дар парлумон ин қонунро Эмомалӣ Раҳмон имзо кард.
Ҳоло дар кишвар на танҳо баргузории идгардак, балки ворид ва тиҷорати “либосҳои бегона”, умдатан ҳиҷоби арабӣ низ ғайриимкон аст.
Ҳадаф аз ворид намудани тағйироту иловаҳо ҳифзи фарҳанги миллӣ, ҷилавгирӣ аз хурофот ва исрофкорӣ дар ҷашну маросимҳо мебошад.

Тоҷикистон қасд дорад, 70% барқи "Роғун"ро фурӯшад.

Аммо ин кор танҳо пас аз ба иқтидори пурра расидани нерӯгоҳи мазкур амалӣ мешавад, изҳор дошт Далер Ҷумъа, вазири энергетикаи Тоҷикистон дар нишасти вазирони энержии кишварҳои СҲШ дар Остона.
Ба таъкиди ӯ, 70% нерӯи барқ ба кишварҳои Осиёи Миёна, аз ҷумла ба Ӯзбекистону Қазоқистон, ки аллакай дар ин самт ёдошти ҳамкорӣ имзо шудааст, содирот хоҳад шуд.

Ятимов тамринҳоро дар дастаи "Ростов" шуруъ кард.

Собиқ дарвозабони тими "Истиқлол" бо дастаи футболи "Ростов" шартномаи панҷсола тасвиб намуда буд.
Маблағи гузариши дарвозабони тоҷик зиёда аз $250 000 ташкил медиҳад.
Бояд гуфт, Рустам Ятимов беҳтарин дарвозабон ва беҳтарин футболбози Тоҷикистон дар соли 2023 мебошад.

Тоҷикистонро дар мусоиқаи шоҳмоти бозиҳои БРИКС Надежда Антонова муаррифӣ мекунад.

Сабқати шоҳмот дар Технопарки ба номи Башир Рамеев аз 17 то 22 июн идома мекунад.
Шоҳмотбозон барои ба даст овардани шаш маҷмӯи медалҳо дар намуди шоҳмоти классикӣ, зудбозӣ ва барқвор рақобат мекунанд.

Дар бозиҳои БРИКС муштзани тоҷик ба даври нимниҳоӣ роҳ ёфт.

Парвиз Каримов намояндаи Чинро мағлуб кард ва акнун бо муштзани рус нерӯ месанҷад.
Бозиҳои БРИКС аз 12 то 23 июн дар шаҳри Қазони Русия давом ёфта, дар он 4751 варзишгар аз рӯи 27 намуди варзиш рақобат мекунанд.

Вазирон умури хориҷии СПАД дар бораи таҳкими марзи Тоҷикистону Афғонистон ба мувофиқа расиданд.

Ҳамчунин дар нишасти Алмаато 4 изҳорот қабул шуд:
изҳорот дар бораи масъалаҳои актуалии тадқиқ ва ба мақсадҳои осоишта истифода бурдани фазои кайҳонӣ;
Изҳорот ба муносибати 80-солагии аз истилогарони фашистӣ озод карда шудани Белорус;
изҳорот дар бораи вазъияти Шарқи Наздик ва Африқои Шимолӣ;
баёнот оид ба тавсеаи ҳамкорӣ дар соҳаи амнияти байналмилалии иттилоотӣ

Давоми қариб 6 моҳ дар Хатлон 40 нафар ғарқ шудааст.

Тибқи иттилои Раёсати Вазорати корҳои дохилӣ дар вилояти Хатлон, давоми 5 моҳу 20 рӯзи соли 2024 дар ҳудуди вилояти Хатлон 40 ҳолати ғарқшавии сокинон ба қайд гирифта шудааст, ки 17 нафарашон ноболиғон, 12 нафар хурдсолони то синни мактабӣ ва 11 нафар мебошанд.
Бо мақсади пешгирӣ аз талафоти ҷонӣ ва ҳодисаҳои ғарқшавӣ, шуруъ аз 20 июн дар ҳудуди вилояти Хатлон амалиёти рамзӣ бо номи «Наҷот» роҳандозӣ карда шуд.

Тӯй, идгардак ва ҳаҷ - пас аз қабули ислоҳи нав тоҷикистониҳоро чӣ интизор аст.

Тағйирот ба қонун дар бораи маросим ва анъанаро Эмомалӣ Раҳмон имзо кард.
Туйҳо. Ҳамин тавр, ҳоло ба навхонадорон танҳо 2 ҷашн иҷозат дода мешавад ва беҳтар аст, ки "боқимондаи пулро барои хайрия захира кунед".
Идгардак. Қазичяи манъи идгардаки кӯдакон низ идома дошт ва ин мамнуъиятро палатаи болоии парлумон тасдиқ кард.
Ҳаҷ. Ҳоҷиёнро акнун танҳо дар доираи оила бояд истиқбол гирифта шаваду халос.

Се зоири тоҷик дар ҳаҷ аз гармӣ ҷон дод.

Дар ин бора ба @Sputnik_Tajikistan сухангӯи Кумитаи дин хабар дод.
"Се нафар аз зоири тоҷик дар Арабистони Саудӣ бинобар гармои шадид ба ҳалокат расиданд ва дар ҳамон ҷо ба хок супурда мешаванд", - афзуд ӯ.
Ба гуфтаи ӯ, ҳалокшудагон яке аз Душанбе ва дуи дигар аз Хуҷанд ва Фархор буда, ҳоло ному насаб ва синну соли онҳо маълум нашудааст.
Тибқи маълумоти мавҷуда, бинобар гармои тоқатфарзо дар Арабистон беш аз 900 зоир фавтиданд, ки аксари онҳо шаҳрвандони Мисранд.

Тӯфони шадид дар Маскав кори муҳоҷиронро дучанд кард.

Бар асари офати табиӣ дарахтони зиёд решакан шуда, болои чандин мошинҳо уфтоданд.
Тибқи маълумоти мавҷуда, бар асари тӯфон як нафар ба ҳалокат расида, беш аз 10 нафар ҷароҳатдор шуданд.
Бартарафсозии оқибати офати табиӣ дар Маскав идома дорад.

Натиҷагирӣ аз намоишгоҳи байналмилалии “Экспо Суғд – 2024”.

Дар пайи намоишгоҳи байналмилалӣ миёни соҳибкорони тоҷику рус санади ҳамкорӣ ба имзо расид, ки миллионҳо долларро дар назар дорад.
Дар ин бора муовини Раиси палатаи савдо ва саноати вилояти Суғд, Ғайрат Қобилзода ба @Sputnik_Tajikistan хабар дод.
“Созишномаҳои дуҷониба бахшҳои мухталифро фаро мегиранд. Аз ҷумла содироти маҳсулоти кишоварзӣ, воридоти технология дар ҷодаи истихроҷи маъдан, таъсиси коргоҳҳои муштараки саноӣ иборат аст”, - гуфт Қобилзода.

Тоҷикистон дар Бозиҳои БРИКС дар ҷои 22-юм қарор дорад.

Дар ин бора Шӯрои ҷамъиятии назди сафорати Тоҷикистон дар Русия ба @Sputnik_Tajikistan хабар дод.
То кунун тими миллӣ ҳамагӣ 3 медали биринҷӣ соҳиб шудааст.

IRS техникаи нав харид.

Ин ширкат, ки масъули нигаҳдории роҳи Душанбе- Хуҷанд мебошад, парки техникияшро бо 3 трейлери пуриқтидор ва 7 нақлиёти махсусгардонишуда пур кард.
Манбаъ афзуд, ки ворид шудани техникаи нав ба кори онҳо дар самти нигаҳдории роҳ такони ҷиддӣ хоҳад бахшид.