КҲФ: дар Тоҷикистон 66 нафар ғарқ шудаанд.

Кумита хабар дод, ки ин омори наздики 6 моҳи охири соли ҷорӣ буда, аз ин сиён 31 ғарқшударо кӯдакони то 16 -сола ташкил медиҳанд.
Манбаъ ба пайвандони ҳалокшудаҳо изҳори ҳамдардӣ намуда, аз сокинон хоҳиш кард, фарзандони худро беназорат нагузоранд.

ИИАО барои бастани созишномаи тиҷорати озод бо Индонезия омодагӣ мегирад.

Корҳоро дар ин самт вазири савдои Комиссияи иқтисодии АвруОсиё Андрей Слепнев ва вазири ҳамоҳангсоз дар умури иқтисодии ҷумҳурӣ Эйрланга Хартарто баррасӣ карданд.
Ҷонибҳо қайд карданд, ки созишномаҳо ба имкониятҳои содирот таъсири мусбат мерасонанд.

Эронро заминҷунбии сахт ларзонд.

Заминларза бо шиддати 5 балл дар Хуросони Разавӣ дар шимолу шарқи Эрон ба амал омад.
Маълумот дар мавриди талафоти ҷонӣ рӯи даст нест, вале маълум аст, ки 30 нафар бар асари заминҷунбӣ осеб диданд.
Матбуоти Эрон навиштааст, ки то ҳол дар зери харобаҳо одамон қарор доранд.

Ҳарифи Муҳаммад Наимов аз рақобат даст кашид.

Рақобати Наимов ва размикори арманӣ Мелсик Багдасарян мебоист рӯзи 22 июн дар шаҳри Риёз баргузор гардид, вале ҳарифи ӯ ба иллати ҷароҳат бардоштан аз мусобиқа даст кашид.
Зимнан, UFC зуд барои размикори тоҷик рақиби нав ёфт.
Ҳарифи навбатии ӯ Фелипе Лимаи бразилӣ аст, ки аз 13 рақобат 12 пирӯзӣ ва ҳамагӣ як бохт дорад.

Дар Суғд Форуми байналмилалии савдо ифтитоҳ шуд.

Ба гузориши мухбири @Sputnik_Tajikistan дар ярмаркаи “Суғд-2024”, ки рӯзҳои 18-19 июн баргузор мешавад, беш аз 500 ширкати дохилию хориҷӣ иштирок мекунанд.
Дар ин чорабинӣ сафирон ва намояндагони корпусҳои дипломатии Русия, Туркия, Ӯзбекистон, Арабистони Саудӣ, Озарбойҷон, Ҷопон, Эрон, Беларус, Туркманистонг ва чанд кишвари дигар ҳузур доранд.

Тоҷикистониён бештар донишгоҳҳои Русияро интихоб мекунанд.

Аз миёни кишварҳои ИДМ дар донишгоҳҳои Руси аз ҳама беш донишҷӯёни тоҷик таҳсил мекунанд.
Камтарин донишҷӯён аз Туркманистон дар муассисаҳои олии Русия донишандӯзӣ мекунанд.
Маълумоти бештарро @Sputnik_Tajikistan ҷамъ оварда, дар тасвирбаён нишон додааст.

Раисони Хатлону панҷ шаҳру навоҳии Тоҷикистон ба президент ҳисобот доданд.

Дафтари матбуоти роҳбари давлат хабар дод, ки Эмомалӣ Раҳмон бо раисони Халон, Турсунзода, Ҳисор, Рӯдакӣ, Шаҳринав ва Ваҳдат суҳбати телефонӣ анҷом дод.
Раисон дар бораи ҷамъоварии ҳосили ғалладонагӣ, кишти такрорӣ, ҷамъоварии меваю сабзавот ва содироти он ба хориҷи кишвар ҳисобот доданд.

Дар Душанбе бузургтарин ширкати мусофиркашӣ бо нақлиёти барқӣ ба кор даромад.

Ба гузориши дафтари матбуоти шаҳрдорӣ, “Эко таксӣ” бо дастури Рустам Эмомалӣ ҷиҳати гузариш ба иқтисоди сабз ва консепсияи гузаштан ба нақлиёти барқӣ ба фаъолият оғоз кард.
Ҳамакнун имрӯз 400 электромобилҳои нав барои мусофиркашонӣ ба кӯчаҳои пойтахт баромаданд.

Ҳиссаи доллар дар сохтори асъории пардохтҳо миёни кишварҳои узви ИИАО ҳамагӣ 10,6%-ро ташкил дод.

Дар ин бора Комиссиияи иқтисодии АвруОсиё иттилоъ дода, зикр намудаст, ки дар солҳои қабллӣ ин нишондод то ба 26% мерасид.
Аввалин бор дар солҳои 2015-2017 то 18,3% коҳиш ёфт. Сипас, дар солҳои аз 2018 то 2020 то 20% мавқеъро барқарор кард, аммо аллакай дар соли 2022 мавҷи дуюми даст кашидан аз доллар дар ҳисобҳои кишварҳои ИИАО оғоз ёфт.
Дар пасманзари коҳиши саҳми доллар дар ҳисоббаробаркуниҳои мутақобил миёни кишварҳои ИИАО, нақши пулҳои миллӣ дар пардохтҳо байни кишварҳои узв афзоиш ёфт. Дар соли 2023 ҳиссаи онҳо ба 84,6% расид, афзуд манбаъ.

Садҳо тоҷикистонӣ барои таҳсил ба Ӯзбекистон рафтаанд.

Тайи моҳҳои январ-апрели соли 2024 дар маҷмуъ беш аз 6 ҳазор хориҷӣ барои таҳсил ба Ӯзбекистон омадаанд, иттилоъ дод Агентии омори кишвар, ки таносубашон чунин аст:
Ҳиндустон – 2090 нафар;
Туркманистон – 1627 нафар;
Тоҷикистон – 758 нафар;
Қирғизистон – 317 нафар;
Кореяи Ҷанубӣ – 249 нафар;
Чин – 242 нафар;
Покистон – 237 нафар;
Афғонистон – 132 нафар;
ИМА – 118 нафар;
Қазоқистон – 102 нафар;
Дигар кишварҳо – 535 нафар.

Иттиҳоди Шӯравӣ нақшаи Олмони нозиро дар мавриди кишварҳои назди Балтик барбод дод.

Соли 1940 бо ворид шудани қӯшунҳои шӯравӣ ба кишварҳои назди Балтика, нақшаҳои Олмони фашистӣ оид ба тобеъияти худ даровардани онҳо, барбод дода шуданд.

Сарвазири Исроил кабинаи амалиёти низомиро пароканда кард.

Бенямин Нетаняҳу вазиронро дар бораи пароканда кардани кобинаи ҷангӣ огоҳ кард.
Маврид ба зикр аст, ки ин ниҳод пас аз ҳамлаи Ҳамос дар 7 октябр таъсис дода шуда буд.

Амири Толибон* намози идро дар масҷиди Идгоҳи Қандаҳор имоматӣ карду мавъиза хонд.

Аз суханронии Ҳибатуллоҳ Охундзода ба муносибати Иди Қурбон:
Афғонҳо бояд бародариро нигоҳ доранд ва ихтилофотро бартараф кунанд, чун ба суди душманонанд.
Масъулони Толибон* хизматгори мардуманд, онҳо ба ҷуз хидмат кардан дигар коре надоранд.
Ҳамаи сокинони кишвар бояд дастуроти руҳониёнро риоя кунанд.
Ҳар кас бояд ба худ ваъда диҳад, ки ҳуқуқи шариатии занонро дар оилааш таъмин хоҳад кард.
*-созмон барои фаъолиятҳои террористӣ таҳти таҳримоти СММ қарор дорад.

Ироқ ва Урдун имзоҳои худро аз эъломияи конфронс дар мавзӯи Украина бозпас гирифтанд.

Вазорати умури хориҷии Швейтсария хабар додааст, ки ин кишварҳоро дар ибтидо ба феҳристи имзокунандагон иштибоҳан ворид кардаанд.

Бархӯрди маргбори қаторҳо дар Ҳиндустон

Бархӯрди қатори мусофирбар ва боркаш дар Ҳиндустон камаш 15 кушта бар ҷой гузоштаст.
Гузоришҳои ҳиндӣ менависанд, ки маълумот дар бораи ҳалокшудагон дар ҳоли афзоиш мебошад.
Маълум аст, ки 60 кас маҷруҳ шудаанд.

Эрон аз Толибон* хост, аз дахолати Ғарб ҷилавгирӣ кунад.

Иҷрокунандаи вазифаи вазири умури хориҷии Эрон, Алӣ Боқирӣ дар як сӯҳбати телефонӣ бо ҳамтояш дар ҳукумати Толибон*, Амирхон Муттақӣ гуфтааст, танҳо мардуми Афғонистон дар кишвари худ тасмим мегиранд.
Ӯ зикр намудаст, ки Толибон* дар ҳамкорӣ бо кишварҳои минтақа иҷоза надиҳанд дахолати ғарбӣ сурат гирад, чун аллакай бо дахолати харобиовар мушкилоте эҷод карда буданд.
Ба гуфтаи вай, Теҳрон ва Кобул бар пояи муштаракоти фарҳангӣ, забонӣ ва мазҳабӣ барои суботу амният дар минтақа талош мекунанд.
*-созмон таҳти таҳримоти СММ қарор дорад.

Ҳазорҳо нафар дар иди Қурбон дар Туркия маҷҳур шудаанд

Ҳудуди 16 ҳазор сокини Туркия дар иди Қурбон ҳангоми қурбонӣ кардани чорво захмӣ шудаанд. Ду нафар ҷон додаанд.
Дар ин бора вазири тандурустии ин кишвар, Фахретдин Коҷа иттилоъ додаст.
"Сабаби чунин ҷароҳатҳо дар он аст, ки чорворо на мутахассисон мекушанд", - гуфт ӯ.
Аксари маҷрӯҳшудагон дар Анкара сабт шудаанд - 1274 нафар. Дар Истанбул 918 нафар дар ҷараёни қурбониҳо ҷароҳат бардошта, дар бемористон бистарӣ шуданд. Гузашта аз ин, ду нафар аз захмҳои бардоштаашон ҷон додаанд, хабар медиҳанд расонаҳои маҳаллӣ.

Олмон мехоҳад тавассути Ӯзбекистон муҳоҷирони афғонро ба Афғонистон депорт кунад.

Дар ин бора музокирот бо Тошканд сурат гирифта истодааст, то музокироти мустақим бо Толибон* зарур наояд, менависад Der Spiegel.
Тавре нашрия тавзеҳ медиҳад, як ҳайати Вазорати корҳои дохилии Олмон аллакай ба Ӯзбекистон сафар карда, пешниҳод кардааст, ки паноҳандагони афғон аз Олмон ба Тошканд ва сипас ба Кобул тавассути ҳавопаймоҳои ширкати хусусии ҳавопаймоии "Кам Эйр" интиқол дода шаванд.
Ба навиштаи Spiegel, мақомоти Ӯзбекистон дар иваз пешниҳод мекунанд, ки созишномаи муҳоҷират дар бораи вуруди коргарони соҳибихтисос ба Олмонро имзо кунанд.

Нуҳ паҳлавони ҷавони тоҷик ба мусобиқаи қаҳрамонии Осиё мераванд

Дар мусобиқоти қаҳрамонии Осиё дар Уммон Тоҷикистонро 9 куштигир намояндагӣ мекунанд.
Мусобиқаҳо дар риштаи куштии юнониву румӣ ва озод рӯзҳои 22-30 июн миёни писарони то 17-сола ва ҷавонони то 23-сола баргузор мешаванд.

Тавлиди ҳавопаймоҳои муосири ҷангӣ дар Русия афзоиш ёфт.

ОАК, сохтори тобеи Ростех ба Вазорати дифои Русия як гурӯҳи нави бомбаандозҳои Су-34 таҳвил дод.
Корхонаҳо тавлиди ҳавопаймоҳоро зиёд мекунанд, афзуданд дар корпоратсия.