Дар ҷануби Русия тадбирҳо барои иҷтимоъсозии муҳоҷиронро пурзӯр кардан лозим аст.

Дар ин бора Сергей Шойгу, дабири Шӯрои амнияти Русия дар як нишаст дар Астрахан изҳор дошт.
Вай афзуд, корҳои ҷилавгирӣ аз муҳоҷирати ғайриқонунӣ ва шуғли аҳолӣ муҳим аст.

Таҳримҳои Ғарб ба интиқоли пул аз Русия ба Тоҷикистон таъсир нарасонданд.

"Душанбе Сити", "Ориёнбонк", "Ҳумо" ва "Алиф Бонк" ҳоло ҳам бо Федератсияи Русия амалиёти пулӣ анҷом медиҳанд, хабар дод ТАСС бо истинод ба хадамоти хидматрасонӣ ба муштариён.
Вазорати молияи ИМА дирӯз алайҳи низоми молии Русия таҳримҳои нав ҷорӣ кард, ки ба он биржаи Маскав, ДИҲ, ММК ва бонки "Точка" шомиланд.

Путин дипломатияи кишварҳои НАТО-ро дар "ҳалли низоъҳои мураккаби байниҳамдигарӣ бесамар" номид.

"Принсипи асосии дипломатияи НАТО ин аст, ки яке аз тарафҳоро ба ҳама гуна гуноҳ айбдор кунад ва тамоми қудрати сиёсӣ, иттилоотӣ ва ҳарбиро ба болои он сарозер кунад", - гуфт ӯ.
Вай афзуд, ин бархӯрд ба ҷуз тезутунд шудани мушкилоти мавҷуда, сарнавишти шикастаи миллионҳо одамон, тахриби сарнавишти давлатҳои бутун, паҳншавии фоҷеаҳои инсонӣ, иҷтимоӣ ва анклавҳои террористӣ чизе наоварданд.
Ба гуфтаи Путин, ягон мамлакати ҷаҳон аз дохил шудан ба руйхати ғамангезе, ки Югославия кушодааст, эмин нест.

Гап сари пурра хотима бахшидани низоъ дар Украина аст, на муваққатан - Путин.

Русия боз як пешниҳоди воқеии сулҳро ироа мекунад, аммо агар Ғарб ва Киев рад кунанд, масъулияти хунрезӣ бар гардани онҳо хоҳад буд, гуфт Путин.
Мавқеи принсипиалии мо ин мақоми бетараф, ба блокҳо ҳамроҳ нашудан ва бидуни силоҳи ҳастаӣ барои Украина буда, ғайриҳарбисозию нозизудоии он мебошад.
Гап на дар бораи мутваққиф кардани низоъ, балки дар бораи қатъи комили он аст.
Созишномаҳои бунёдӣ барои ҳалли осоишта бояд дар шартномаҳои байналмилалӣ сабт карда шаванд.
Табиист, ки лағви таҳримҳо алайҳи Русия низ дар миён аст.

Путин шартҳои оғози музокироти сулҳ бо Украинаро номбар кард.

Киев нирӯҳои худро аз қаламравҳои нави Русия хориҷ мекунад ва ӯҳдадор мешавад, ки ба НАТО напайвандад ва пас аз он оташбас муқаррар карда мешавад, гуфт президент.- афзуд ӯ.

Таҳдиди ҳабси якумра ба Саидҷаъфар Усмонзода

Бар асоси моддаи Кодекси ҷиноӣ, ки аз рӯи он нисбати собиқ раиси Ҳизби демократ иттиҳом пешниҳод шудааст, аз 15 то 25 соли зиндон ё ҳабси якумра пешбинӣ шудааст.
Ба иттилои додситонӣ нисбати Усмонзода аз рӯи моддаи 306 қисмти 2 банди “в” парванда оғоз шудааст, ки бо зӯроварӣ ғасб намудани ҳокимият бо истифода аз мақоми хизматиро фаро мегирад.

Ҷаҳон босуръат тағйир меёбад - Путин.

Кишвардори Русия дар ин бора зимни мулоқот бо роҳбарияти Вазорати корҳои хориҷӣ изҳор дошт.
"Он мисли пештара нахоҳад буд - на дар сиёсати ҷаҳонӣ ва на дар иқтисод", - афзуд президенти Русия.

Раиси парлумони Тоҷикистон аз вакилон хост, аз доираи қонун берун набароянд.

Ин даъвати раиси Маҷлиси намояндагони Тоҷикистон, Маҳмадтоир Зокирзода зимни ҷаласаи марбут ба иҷозат барои ҳабси вакил, Саидҷаъфар Усмонзода садо дод.

Ҷунбиши Толибон* ҷонибдори узвияти Афғонистон дар СҲШ, ИИАО ва БРИКС мебошад.

Ин нуктаро кордори Афғонистон дар Маскав, Ҷамол Носир Ғурвол, дар мусоҳиба бо нашрияи "Известия" баён дошта, афзудааст, "мо мехоҳем, ки Русия дар ин масъала моро дастгирӣ кунад".
Бо вуҷуд феълан барои пайвастани Афғонистон ба БРИКС ва ИИАО замина фароҳам нашудааст.
Аз ин рӯ, пайвастан ба СҲШ нисбатан воқеитар ба назар мерасад, чун шарикони асосии афғонҳо аъзои ин созмон мебошанд.

Юсуф Раҳмон айби Саидҷаъфар Усмонзодаро гуфт.

Ба иттилои додситони кулли Тоҷикистон, Усмонзода моҳи сентябри соли 2021 бо муовини роҳбари ташкилоти экстремистӣ-террористии "Паймони миллии Тоҷикистон" Шарофиддин Гадоев ҳамсуҳбат шуда, оид ба ғасби ҳокимияти давлатӣ маслиҳат кардаст.
Гадоев ваъда додааст, ки барои амалӣ намудани ин мақсад роҳбари ташкилоти экстремистӣ-террористии "Ҳизби наҳзати ислом"* Муҳиддин Кабирӣ ба ӯ кумакҳои пулӣ расонида, зиёда аз се ҳазор ҷанговарони ташкилоти террористии "Ҷамоати Ансоруллоҳ"*-ро аз хориҷи кишвар таъмин менамояд.
Ба гуфтаи Раҳмон, тибқи нақша онҳо мехостанд дар кӯтоҳтарин муҳлат дар чанд гӯшаю канорҳои мамлакат вазъи ҷамъиятӣ-сиёсиро ноором сохта,

Варзишгарони Тоҷикистон дар Бозиҳои БРИКС дар Қазон аввалин медалҳоро ба даст оварданд.

Ҳарду ҳам дар риштаи самбо ва биринҷӣ. Сорбон Латифов дар вазни то 64 кг бар рақибаш аз Венесуэла пирӯз шуда, медали биринҷӣ гирифт.
Бо натиҷаи мушобеҳ Убайд Диваштич дар вазни 79 кило қувваозмоиро бо куштигир аз Бразилия анҷом дод.
Ба ин тартиб, Тоҷикистон дар ҷадвали мусобиқот дар ҷои 10-ум аст.

Саидҷаъфар Усмонзода, вакили парлумони Тоҷикистон ҳабс шудаст.

Маҷлиси намояндагони Тоҷикистон бо дархости додситонии кулли кишвар собиқ раиси Ҳизби демократро аз ҳуқуқи дахлнопазирӣ маҳрум карда, барои ҳабсаш иҷозат додаст.
Ба иттилои додситонӣ, нисбати Усмонзода бар асоси моддаи 306 қисми 2 банди "в"-и Кодекси ҷиноятӣ, бо иттиҳомӣ бо зӯроварӣ ғасб намудани ҳокимият тафтишот идома дорад.

Рақибони мунтахаби ҷавонони то 20-солаи Тоҷикистон (U-20) маълум шуданд.

Бар асоси натиҷаи қуръакашӣ тими Тоҷикистон (U-20) дар гурӯҳи "Е" бо дастаҳои Уммон, Малайзия, Шри-Ланка ва Кореяи Шимолӣ зӯрозмоӣ мекунанд.
Бозиҳои марҳилаи интихобии Ҷоми Осиё - 2025 дар ин гуруҳ аз 21 то 29 сентябр дар Варзишгоҳи марказии Душанбе баргузор мешаванд.
Дар ҷамъбасти марҳилаи интихобӣ 10 ғолиби гурӯҳ ва 5 дастаи беҳтарини зинаи дуюм ба қисми ниҳоии Ҷоми Осиё-2025 роҳхат мегиранд, ки аз 6 то 23 феврал дар Чин дар назар аст.

Дидори сафири Тоҷикистон дар Русия бо ҳайати варзишгарони тоҷик, ки дар бозиҳои БРИКС иштирок доранд

Ҳайати мунтахаби варзишгарони Тоҷикистон барои иштирок дар Бозиҳои варзишии давлатҳои БРИКС вориди шаҳри Қозони Русия шуданд.
Сафири Тоҷикистон дар Россия Гулмаҳмадзода Давлатшоҳ бо ҳайати варзишгарони кишвар мулоқот намуда, ба варзишгарони тоҷик дар ин мусобиқаи сатҳи баланд барору комёбӣ ва музаффарияту пирӯзӣ таманно намуданд.

Панҷ муттаҳам дар қатли муовини раиси "Ориёнбонк" ба ҳабси абад маҳкум шуданд.

Аз додгоҳи олӣ ба Sputnik Тоҷикистон хабар доданд, ки ҷамъан ҳукми 14 нафар эълон шуд ва аз миёни онҳо 5 нафар, аз ҷумла Саидмурод Дилшод ҳукми абад гирифтанд.
Манбаъ афзуд, ки ҳукми онҳо ҳанӯз 18 март паси дарҳои баста эълон шуд ва 4 июн додгоҳи марҳилаи кассатсионӣ низ ҳукмашанро бетағйир гузошт.
Шӯҳрат Исматуллоев моҳи июни соли гузашта рабуда шуд ва пас аз шиканҷаи зиёд кушта шуд. Ҷасади ӯро бо гузашта беш аз як моҳ дар Панҷакент аз дарё пайдо карданд.

Эрон ҳавопаймои ватании "Симурғ" -ро озмоиш кард.

Ҳавопайморо ширкати маҳаллии HESA васл карда буд, аммо бархе аз қисматҳо аз хориҷа ворид гардида буд, хабар медиҳад Tasnim.
Бояд гуфт, вазифаи эҷоди як ҳавопаймо барои вазорати дифоъи Эронро мустақиман раисиҷумҳури марҳум Раисӣ гузошта буд.