30% и аҳолии вилояти Суғдро ҷавонон ташкил медиҳанд.

Тибқи омори расмӣ шумори ҷавнон дар вилояти Суғд беш аз 800 ҳазор гуфта мешавад, ки ин рақам беш аз 30% и аҳолии вилояти Суғдро ташкил мекунад.

Футболбозони тими Истиқлол ба сафорат омаданд ва ҳамдардӣ баён намуданд.

Теъдодӣ аз бозикунон тими футболи бошгоҳи “Истиқлол”-и Душанбе бо ҳузур дар сифорати Эрон, бо эҳдои гулу имзои дафтари ёдбуди шуҳадо, таслият ва ҳамдардии худу дигар авомили ин бошгоҳро ба давлату миллати Эрон эълом намуданд.

Нигаронии СҲШ аз афзоиши шумори сохторҳои террористӣ дар Афғонистон

Сохтори минтақавии зиддитеррористии Созмони ҳамкориҳои Шанхай афзоиши шумораи сохторҳои террористиро дар Афғонистон сабт кардааст.
Ба гуфтаи роҳбари ин сохтор Руслан Мирзаев таҳдиди вуруди аъзои онҳо бо истифода аз шиносномаҳои кишварҳои сеюм ба қаламрави кишварҳои СҲШ боқӣ мемонад.
"Хатар барои амнияти кишварҳои узви СҲШ ин тамоюли афзоиши шумори сохторҳои террористӣ дар худи Афғонистон, аз ҷумла дар манотиқи шимолии он мебошад", - таъкид кард оқои Мирзаев зимни суханронӣ дар ҷаласаи раисони Додгоҳҳои олии СҲШ.

Вазорати кишоварзии Русия шакарро барои кишварҳои узви ИИАО тақсим кард.

Вазорати кишоварзии Русия 181,5 ҳазор тонна қанд аз найшакар ё лаблабуро барои содирот ба кишварҳои узви Иттиҳоди иқтисодии АвруОсиё (ИИАО) тақсим кард.
Дар маҷмӯъ, 16 ширкат иҷоза гирифтанд ин маҳсулотро ба кишварҳои ИИАО интиқол диҳанд.
Ёдовар мешавем, ки манъи муваққатии содироти шакар бо қарори ҳукумати Русия сурат гирифта буд ва содироти он аз Русия аввали моҳи май то 31 августи соли ҷорӣ манъ аст. Ҳадафи ин мамнӯъият нигоҳ доштани суботи бозори дохилии маводи ғизоӣ буд.

Тоҷикистону Озарбойҷон эъломия дар бораи шарикии стратегӣ ба имзо расониданд.

Ҳамчунин баъди анҷоми мулоқоту музокироти сатҳи олӣ дар ҳузур ва бо иштироки Президенти Тоҷикистон Эмомалӣ Раҳмон ва Президенти Озарбойҷон Илҳом Алиев дар Боку 13 созишномаи ҳамкории дигар ба имзо расид.
Дар маҷмӯъ ду кишвар 14 санади нави ҳамкорӣ ба имзо расид.

Пешниҳоди Раҳмон ба Алиев

Эмомалӣ Раҳмон ба Илҳом Алиев пешниҳод кардааст, ки соли оянда дар Тоҷикистон Рӯзҳои фарҳанги Озарбойҷон ва дар ҳошияи ин чорабинӣ Фестивали дӯстии мардумони ду кишвар баргузор гардад.

Раҳмон Алиевро ба Тоҷикистон даъват кард

Эмомалӣ Раҳмон раисҷумҳури Тоҷикистон зимни нишасти матбуотӣ пас аз мулоқот бо раҳбари Озарбойҷон эълон кард, ки Илҳом Алиевро ба Душанбе даъват кард.
“Мо бо камоли майл дӯст ва бародари гиромиам Илҳом Ҳайдарович Алиевро ҷиҳати анҷом додани боздид аз Тоҷикистон даъват кардам”, - гуфт Раҳмон.

Корхонаи “АЗОТ” маҳсулоташро арзон кард.

Корхонаи “АЗОТ” маҳсулоташро арзон кард.
Корхонаи “Азот”-и шаҳри Левакант, арзиши як халтаи вазнаш 50 килои карбамитро 180 сомонӣ кардааст.
Иқдоми мазкур то 31 май идома хоҳад кард. Ин дар ҳолест, ки соли гузашта як халтаи ин нурии минералӣ 350 сомонӣ арзиш дошт.
Соли гузашта корхонаи “Азот” ба миқдори зиёда аз 36 ҳазор тонна нуриҳои азотӣ истеҳсол кардааст. Дар сурати пурра фаъолият кардани он, корхона имкон дорад ҳамасола 180 ҳазор тонна карбамит ва 123,6 ҳазор тонна аммиак истеҳсол намояд.

Рустам Эмомалӣ ҷавонони мо нерӯи ояндасози давлати соҳибистиқлол ҳастанд.

Раиси шаҳри Душанбе дар паёми шодбошиаш ба муносибати Рӯзи ҷавонони Тоҷикистон таъкид кард, ки дар марҳилаи нави таърихӣ дар ҷумурӣ нисбат ба ҷавонон таваҷҷуҳ ва ғамхории махсус зоҳир мегардад.
Вай гуфт барои ба камол расонидани насли нави худогоҳу худшинос ва соҳибмаърифату ватандӯст саъю талоши бесобиқа анҷом дода мешавад.
“Ҷавонони далеру ғаюри мо дар ҳар лаҳза баҳри дифои марзу бум ва ҳифзи истиқлолияти кишвар омода мебошанд. Мусаллам аст, ки ҷавонони мо нерӯи ояндасози давлати соҳибистиқлол ва умеду орзуи Ватани азизамон ҳастанд”, - илова кард Рустам Эмомалӣ.

Табодули колои Тоҷикистон бо Озарбойҷон наздик ба 67% коҳиш ёфт.

Ба иттилои омори расмӣ дар се моҳи соли 2024 ҳаҷми гардиши мутақобилаи савдои хориҷӣ бо Озарбойҷон 0,5 млн долларро ташкил дод, ки нисбат ба ҳамин давраи соли 2023 як млн доллар, яъне 66,7 фоиз коҳиш ёфтааст.

Умеди Раҳмон ба ҷавонони Тоҷикистон.

"Беш аз 40 ҳазор фарзандони Тоҷикистон ҳоло дар беҳтарин мактабҳои олии хориҷӣ илму дониш ва касбу ҳунар меомӯзанд ва баъди хатми таҳсил дар пешрафту ободии Ватан саҳм мегузоранд".
Дар ин бора дар паёмаш Президенти Тоҷикистон Эмомалӣ Раҳмон ба муносибати Рӯзи ҷавонони Тоҷикистон қайд кардааст.
“Вақт собит менамояд, ки касе илму дониш ва касбу ҳунар дорад, забонҳои хориҷиро медонад, дар зиндагӣ ҳаргиз хор намегардад ва ба касе муҳтоҷ намешавад. Ба ин хотир, Ҳукумати мамлакат тамоми кӯшишро ба харҷ медиҳад, то насли ҷавони Тоҷикистон донишманду босавод, соҳиби касбу ҳунар ва соҳибмаърифату тарбиядида ба камол расад, таъкид кард Раҳмон.

Тоҷикистон ва Кувайт тақвияти равобити амниятиро баррасӣ карданд.

Сафири Тоҷикистон дар Давлати Кувайт Зубайдзода Зубайдулло бо муовини якуми Сарвазир, вазири мудофиа ва вазири корҳои дохилии Давлати Кувайт Шайх Фаҳд Юсуф Сауд ас-Сабоҳ ҳамкориҳо дар соҳаҳои амният ва мудофиа табодули афкор намуд.
Тавре вазорати умури хориҷаи Тоҷикистон хабар додааст, ҷонибҳо дар ин мулоқот ба тақвияти равобити амниятии ду кишвар таъкид намуданд.

Маросими видоъ бо Абдуллоҳиён вазири умури хориҷӣ дар Теҳрон.

Вазир ҳамроҳ бо Раисӣ ва чанд мақомдори дигар аснои бо чархбол аз Озарбойҷон баргаштан дучори садама шуданд ва ҷон бохтанд.

Дастаи мунтахаби Тоҷикистон дар Ҷоми IX ҷаҳон оид ба кикбоксинг 15 медали тило гирифт.

Ин мусобиқа дар Истамбул бо ҳузури 70 дастаи кикбоксингчиён аз 41 давлати дунё баргузор гардид.
Тими Тоҷикистон ҳамчунин 12 нуқра ва 15 медали биринҷӣ ба даст оварда, зинаи чорумро азхуд кард.

Дар Данғара шаҳрванди 25 -солаи Ҳиндустон фавтид.

Дар ин бора КҲФ хабар дода, афзуд, ки марҳум донишҷӯи Донишгоҳи тиббии Тоҷикистон буда, ҳамроҳ бо дӯстонаш ба оббозӣ рафт, вале дар об ғарқ шуд.
Ҷасади ӯро наҷотбахшон чанд метр поинтар аз ҷои ҳодиса пайдо намуда ба мақомоти марбута супурданд.