Ҷиноятҳои таҷовус ба номус ва авбошӣ дар Тоҷикистон зиёд шудааст.

Дар ин бора Рамазон Раҳимзода, вазири умури дохилии кишвар зимни нишасти хабарӣ иттилоъ дод.
Ба гуфтаи ӯ, соли гузашта 1414 ҷинояти авбошӣ ба қайд гирифта шудааст, ки ин рақам нисбат ба як соли пеш 187 ҳолат бештар аст.
Ҳамчунин 47 ҷинояти таҷовуз ба номус дар як соли гузашта сабт шудааст, ки дар қиёс ба соли 2022, 10 ҳолат зиёдтар аст.
Дар умум бошад, давоми як соли сипаришуда 21319 ҷиноят ба қайд гирифта шудааст.

Аз пироҳани мухлитон бо акси президент то парчамдории Сомон ва ҳунарманамоии Фаррух.

Рӯзи дуюми мусобиқаи байналмилалии "Dushanbe Grand Slam 2024" бо як нишони нуқраи Беҳрӯз Хоҷазода ҷамъбаст гардид.
Хабарнигори @Sputnik_Tajikistan беҳтарин аксҳо аз рӯзи дуюми мусобиқа барои ҳамвандони мо сабт намуд.

Муомилоти моли чакана дар мамлакатҳои ИИАО дар давоми сол 6% афзуд.

Русия баландтарин нишондиҳанда дорад.
Муфассалтар дар тасвирбаёни @Sputnik_Tajikistan бубинед.

Русия содироти шакар ба кишварҳои дигарро қатъ мекунад.

Девони вазирон хабар дод, ки мамнӯъият то 31 август идома мекунад.
Ҳамзамон, таҳвили маҳсулот дар баъзе ҳаҷмҳо ба кишварҳои ИИАО идома хоҳад ёфт.
Бояд гуфт Тоҷикистон шакарро асосан аз Русия харидорӣ мекунад.

Беҳрӯз Хоҷазода ба даври сеюм роҳ ёфт.

Ҷудокори тоҷик дар даври аввал озод буд ва рақобаташ аз даври дуюм шурӯъ шуд.
Ӯ ҳарифи баҳрайнии худ Биаслан Блимгатов шикаст дод ва роҳашро ба даври навбатӣ ҳамвор кард.

Саъдулло Раҳмимов, фарҳангшинос ва киношиноси машҳури тоҷик даргузашт.

Дар ин бора яке аз шогирдони марҳум ба @Sputnik_Tajikistan хабар дод.
"Устод тайи ҳафтаи ахир дар беморхонаи Қарияи боло табобат мегирифту ахиранд ҷарроҳи шуданду вазъашон каме нохуб буд. Бомдоди имрӯз хабар расид, ки фавтидаанд",- афзуд манбаъ.
Гуфта мешавад, ки Раҳимовро дар қабристони “Каленин” дафн хоҳанд кард.

Кишварҳои ИИАО ба эътирофи мутақобилаи унвонҳои илмӣ шурӯъ карданд.

Минбаъд ҳуҷҷатҳои миллӣ дар бораи дараҷаи илмии шаҳрвандони кишварҳои "панҷгона"-и АвруОсиё барои анҷом додани фаъолияти меҳнатӣ дар давлати дигари иттиҳод ба таври худкор эътироф мегарданд.
Истисно корҳое мебошанд, ки дар онҳо ёрдампулиҳои давлатӣ ё имтиёзҳо барои дараҷаи илмӣ муқаррар шудаанд.
"Созишнома ба баланд бардоштани ҳаракати мутахассисони баландихтисос нигаронида шудааст ва ба рушди озодии ҳаракати захираҳои меҳнатӣ мусоидат хоҳад кард", - таъкид кард КИАО.

Муҳаммад ибни Салмон ба Раҳмон нома фиристод.

Сафири Арабистони Саудӣ дар Душнабе номаи раиси Шурои вазирони Шоҳигарии Арабистони Саудӣ Волоҳазрат Муҳаммад ибни Салмон Оли Саудро ба Сироҷиддин Муҳриддин, вазири умури хориҷии Тоҷикистон супурд.
Вазорати корҳои хориҷа ҷузъиёти мундариҷаи номаро ифшо накард.
Зикр гардид, ки Муҳриддин бо сафир масъалаи ҳамкориҳои дуҷониба ва бисёрҷониба дар чаҳорчӯби созмонҳои байналмилалиро баррасӣ намуд.

Обид Ҷебов барандаи медали нуқраи "Dushanbe Grand slam-2024" шуд.

Дар финали мусобиқа паҳлавони тоҷик Обид Ҷебовро ҷудокор аз Туркманистон мағлуб кард.
Ҳамин тариқ, нахустин рӯзи мусобиқаи мазкур барои Тоҷикистон пурбор буд, зеро варзишгарони мо тавонистанд як медали тило, як нуқра ва як биринҷиро ба хазинаи варзишӣ ворид кунанд.

Тоҷикистон аз "Dushanbe Grand Slam 2024" боз як медали дигар гирифт.

Нишони биринҷиро ба хазинаи варзишии кишвар Муллораҷаб Халифаев овард.
Ӯ ҳарифи ӯзбекистонии худро мағлуб кард ва нишони биринҷиро ба гардан овехт.

Дар Хатлон 18 ҳазор шаҳрванди Туркманистон ба сар мебаранд.

Дар ин бора мақомоти вилояти Хатлон хабар дода, афзуд, ки дар вилоят6 мактаби туркманӣ-тоҷикӣ фаъолият доранд.

Қувватов ҳам медали тило гирифт ва ҳам сазовори 1000 имтиёзу 5000 доллар шуд.

Ин ҷудокори тоҷик ба хазинаи варзишии Тоҷикистон нахустин медали тило аз мусобиқаи "Dushanbe Grand Slam 2024" овард.

Ташаббуси Раҳмон дар бораи эълони Рӯзи байналмилалии морхӯр аз ҷониби СММ пазируфта шуд.

Ба иттилои вазорати умури хориҷаи Тоҷикистон қатъномаи дахлдор дар СММ бо иттифоқи оро пазируфта шуд.
Бо қабул гардидани қатъномаи мазкур рӯзи 24 май ҳамчун Рӯзи байналмилалии морхӯр эълон гардид.
Морхӯр яке аз ҳайвонҳои нодири минтақаҳои кӯҳии Осиёи Марказӣ ва Осиёи Шимолӣ, аз ҷумла Тоҷикистон, Покистон, Ҳиндустон, Афғонистон, Туркманистон ва Ӯзбекистон ба шумор меравад.