Sputnik Тоҷикистон

Русия ба таҳкими ҳамкорӣ бо Ҷумҳурии халқӣ-демократии Корея дар ҳамаи бахшҳо ҳавасманд аст.

Ин нуктаро Владимир Путин зимни изҳороташ ба расонаҳо дар ҷамъбасти музокирот бо роҳбари кишвари мизбон баён дошт.
"Ба ривоҷи минбаъдаи фаъолонаи хамкорӣ дар бахши иқтисодӣ, парлумон, мақомоти ҳифзи ҳуқуқ, амният, сиёсати берунӣ ва ҳам ташкилоти ҷамъиятӣ ҳавасмандем", - гуфт роҳбари Русия.

Владимир Путин ва Ким Чен Ин Шартномаи шарики стратегияи байни Русия ва ҶХДК имзо кард.

Президенти Русия дар санадро бунёди номзад. Дар пайи музокироти дусоатии робарони кишвархо инчунин як катор созишномачои дигар имзо шуданд.

Теъдоди қурбониёни зоирин дар Макка ба 500 нафар расид.

Гармии то 50 дараҷа боиси ҷон бохтани зоирин шуд, аксари қурбониён аз Миср буданд, хабар медиҳад AFP.
Мақомоти Арабистони Саудӣ рӯзи якшанбе хабар доданд, ки ба беш аз 2 ҳазор зоир, ки аз гармои шадид ранҷ мебаранд, кумак расонидаанд.
Як сол пеш дар ҳаҷ низ 240 бар асари гармӣ ҷон бохтанд ва аксари онҳо зоирин аз Индонезия буданд.

Марҳилаи аввали амалиёти "Нелегал 2024" дар Русия анҷом ёфт.

Дар давоми як ҳафтаи амалиёт кормандони пулис беш аз 50 ҳазор қонуншиканиро дар соҳаи муҳоҷират ошкор кардаанд, иттилоъ дод ВУД Русия.
Ҳудуди 9 ҳазор шаҳрванди хориҷӣ аз Русия ба таври маъмурӣ ихроҷ ва депорт карда шуданд.
Зиёда аз 6 ҳазор корфармо барои ғайриқонунӣ ҷалб кардани шаҳрвандони хориҷӣ ба кор ошкор ва ба ҷавобгарии маъмурӣ кашида шуданд.
Қарор дар бораи роҳ надодан ба вуруди беш аз 11 ҳазор шаҳрванди хориҷӣ ба кишвар қабул шуд.
Наздик ба 2 ҳазор парвандаи ҷиноии марбут ба ташкили муҳоҷирати ғайриқонунӣ ва бақайдгирии муҳоҷиратии сохта боз шудааст.
Зиёда аз 150 нафар шахсони дар ҷустуҷӯ қарордошта м

Ханой ба истиқболи Путин омодагӣ мегирад.

Кӯчаҳои пойтахти Ветнам бо парчамҳои давлатии Русия ва Ветнам зебу зинат ёфта, дар назди меҳмонхонаи Metropol кортежҳои Aurus ва амниятиҳо саф кашидаанд.
Раисиҷумҳури Русия шоми имрӯз пас аз анҷоми сафараш ба ҶХДКШ вориди Ветнам мешавад. Зимнан, Путин дар солҳои 2001, 2006, 2013 ва 2017 аз Ветнам боздид карда буд.

Дар Маскав як шаҳрванди Тоҷикистонро барои таҳқири мазҳабӣ боздошт карданд.

Ба гуфтаи мақомот, як ҷавони 20-сола "барои таҳқир кардани эҳсосоти динӣ, шамъҳои бинои калисоро хомӯш карда, сипас алайҳи як нафар дар ин ибодатгоҳ зӯроварӣ кардааст".
Дар бораи ангезаҳои ин амал ва макони ҳодиса хабар дода нашудааст. Парвандаи ҷиноӣ боз шудааст, муттаҳам бо қарори додгоҳ ба ҳабс гирифта шудаст.

Дар Норак навраси 16-сола ғарқ шуд.

Ӯ ҳамроҳ бо оилаи худ кӯли Комсомолск истироҳат кард ва ҳангоми оббозӣ аз беэҳтиётӣ дар об ғарқ шуд.
КҲФ мегӯяд, ҷасадашро наҷотбахшон пайдо ва ба кормандони милитсия супурданд.
Рӯзи гузашта ин ниҳод хабар дод, аз аввали сол дар обҳои кишвар 66 нафар ғарқ шуданд, ки 31 нафари онҳоро кӯдакони то 16-сола ташкил медиҳанд.

Путин дар гуфтушунид бо Ким Чен Ин аз мубориза бо ИМА, "санади бунёдӣ" ва миннатдории Маскав гуфт.

Ӯ изҳор дошт, ки Русия ба муқобили сиёсати таҳмили империалистии ИМА даҳсолаҳо мубориза мебарад.
Кишвардори Русия ҳамчунин дар мулоқот бо роҳбари ҶХДК гуфт:
Маскав дастгирии Пхенянро аз сиёсати Русия, аз ҷумла дар самти Украина баланд арзёбӣ мекунад.
Санади нави бунёдӣ омода шудааст, ки асоси равобити ду кишвар дар тӯли солҳои оянда хоҳад буд.
Корнамоиҳои наслҳои пешинро заминаи хубе барои рушди равобити имрӯзаи Русия ва ҶХДК хоҳанд буд.
Путин изҳори итминон кард, ки музокирот бо Ким Чен Ин самаранок хоҳад буд.

Мақомоти Тоҷикистон оби Панҷро назорат мекунанд, ки аз Афғонистон вабо наорад.

Аз 3 то 29 июн дар навоҳии марзии вилояти Хатлон бо Афғонистон санҷиши манобеи обии боз гузаронида шуда, ҳолатҳои бистаришавии аҳолӣ бо бемориҳои дарунравии гуногун таҳти назорат қарор дода мешаванд, гуфт Наврӯз Ҷаъфаров ба Sputnik Тоҷикистон.
Муовини сардори Хадамоти назорати давлатии санитарию эпидемиологии ҷумҳурӣ ин тадбирҳоро ба ҳолатҳои вабо ё худ холера дар Афғонистон рабт дод, ки соли гузашта то минтақаҳои марзии ин кишвар расида буданд.
"Панҷ дарёи муштарак аст, агар селобҳо ягон маҳалли зист, масалан, рустоҳои марзӣ аз Афғонистонро канда, ба дарё андозанд, эҳтимоли пеш омадани чунин хатарҳо вуҷуд дорад

Маросими расмии истиқболи Путин дар майдони Ким Ир Сен баргузор шуд

Дар ҳузури Владимир Путин ва Ким Чен Ин сурудҳои миллии ду кишвар садо дода, гузашти низомиён сурат гирифт. Ҳозирин роҳбарони Русия ва Ҷумҳурии халқӣ - демократии Кореяро бо гул, пуфак ва парчамҳои ду кишвар пешвоз гирифтанд.

КҲФ: дар Тоҷикистон 66 нафар ғарқ шудаанд.

Кумита хабар дод, ки ин омори наздики 6 моҳи охири соли ҷорӣ буда, аз ин сиён 31 ғарқшударо кӯдакони то 16 -сола ташкил медиҳанд.
Манбаъ ба пайвандони ҳалокшудаҳо изҳори ҳамдардӣ намуда, аз сокинон хоҳиш кард, фарзандони худро беназорат нагузоранд.

ИИАО барои бастани созишномаи тиҷорати озод бо Индонезия омодагӣ мегирад.

Корҳоро дар ин самт вазири савдои Комиссияи иқтисодии АвруОсиё Андрей Слепнев ва вазири ҳамоҳангсоз дар умури иқтисодии ҷумҳурӣ Эйрланга Хартарто баррасӣ карданд.
Ҷонибҳо қайд карданд, ки созишномаҳо ба имкониятҳои содирот таъсири мусбат мерасонанд.

Эронро заминҷунбии сахт ларзонд.

Заминларза бо шиддати 5 балл дар Хуросони Разавӣ дар шимолу шарқи Эрон ба амал омад.
Маълумот дар мавриди талафоти ҷонӣ рӯи даст нест, вале маълум аст, ки 30 нафар бар асари заминҷунбӣ осеб диданд.
Матбуоти Эрон навиштааст, ки то ҳол дар зери харобаҳо одамон қарор доранд.

Ҳарифи Муҳаммад Наимов аз рақобат даст кашид.

Рақобати Наимов ва размикори арманӣ Мелсик Багдасарян мебоист рӯзи 22 июн дар шаҳри Риёз баргузор гардид, вале ҳарифи ӯ ба иллати ҷароҳат бардоштан аз мусобиқа даст кашид.
Зимнан, UFC зуд барои размикори тоҷик рақиби нав ёфт.
Ҳарифи навбатии ӯ Фелипе Лимаи бразилӣ аст, ки аз 13 рақобат 12 пирӯзӣ ва ҳамагӣ як бохт дорад.

Дар Суғд Форуми байналмилалии савдо ифтитоҳ шуд.

Ба гузориши мухбири @Sputnik_Tajikistan дар ярмаркаи “Суғд-2024”, ки рӯзҳои 18-19 июн баргузор мешавад, беш аз 500 ширкати дохилию хориҷӣ иштирок мекунанд.
Дар ин чорабинӣ сафирон ва намояндагони корпусҳои дипломатии Русия, Туркия, Ӯзбекистон, Арабистони Саудӣ, Озарбойҷон, Ҷопон, Эрон, Беларус, Туркманистонг ва чанд кишвари дигар ҳузур доранд.

Тоҷикистониён бештар донишгоҳҳои Русияро интихоб мекунанд.

Аз миёни кишварҳои ИДМ дар донишгоҳҳои Руси аз ҳама беш донишҷӯёни тоҷик таҳсил мекунанд.
Камтарин донишҷӯён аз Туркманистон дар муассисаҳои олии Русия донишандӯзӣ мекунанд.
Маълумоти бештарро @Sputnik_Tajikistan ҷамъ оварда, дар тасвирбаён нишон додааст.

Раисони Хатлону панҷ шаҳру навоҳии Тоҷикистон ба президент ҳисобот доданд.

Дафтари матбуоти роҳбари давлат хабар дод, ки Эмомалӣ Раҳмон бо раисони Халон, Турсунзода, Ҳисор, Рӯдакӣ, Шаҳринав ва Ваҳдат суҳбати телефонӣ анҷом дод.
Раисон дар бораи ҷамъоварии ҳосили ғалладонагӣ, кишти такрорӣ, ҷамъоварии меваю сабзавот ва содироти он ба хориҷи кишвар ҳисобот доданд.

Дар Душанбе бузургтарин ширкати мусофиркашӣ бо нақлиёти барқӣ ба кор даромад.

Ба гузориши дафтари матбуоти шаҳрдорӣ, “Эко таксӣ” бо дастури Рустам Эмомалӣ ҷиҳати гузариш ба иқтисоди сабз ва консепсияи гузаштан ба нақлиёти барқӣ ба фаъолият оғоз кард.
Ҳамакнун имрӯз 400 электромобилҳои нав барои мусофиркашонӣ ба кӯчаҳои пойтахт баромаданд.

Ҳиссаи доллар дар сохтори асъории пардохтҳо миёни кишварҳои узви ИИАО ҳамагӣ 10,6%-ро ташкил дод.

Дар ин бора Комиссиияи иқтисодии АвруОсиё иттилоъ дода, зикр намудаст, ки дар солҳои қабллӣ ин нишондод то ба 26% мерасид.
Аввалин бор дар солҳои 2015-2017 то 18,3% коҳиш ёфт. Сипас, дар солҳои аз 2018 то 2020 то 20% мавқеъро барқарор кард, аммо аллакай дар соли 2022 мавҷи дуюми даст кашидан аз доллар дар ҳисобҳои кишварҳои ИИАО оғоз ёфт.
Дар пасманзари коҳиши саҳми доллар дар ҳисоббаробаркуниҳои мутақобил миёни кишварҳои ИИАО, нақши пулҳои миллӣ дар пардохтҳо байни кишварҳои узв афзоиш ёфт. Дар соли 2023 ҳиссаи онҳо ба 84,6% расид, афзуд манбаъ.