Ҷиноятҳои таҷовус ба номус ва авбошӣ дар Тоҷикистон зиёд шудааст.

Дар ин бора Рамазон Раҳимзода, вазири умури дохилии кишвар зимни нишасти хабарӣ иттилоъ дод.
Ба гуфтаи ӯ, соли гузашта 1414 ҷинояти авбошӣ ба қайд гирифта шудааст, ки ин рақам нисбат ба як соли пеш 187 ҳолат бештар аст.
Ҳамчунин 47 ҷинояти таҷовуз ба номус дар як соли гузашта сабт шудааст, ки дар қиёс ба соли 2022, 10 ҳолат зиёдтар аст.
Дар умум бошад, давоми як соли сипаришуда 21319 ҷиноят ба қайд гирифта шудааст.

Тоҷикистон рамзи соли 2024 – Соли маорифи ҳуқуқро интихоб кардааст.

Дар маркази нишон китобе, ки манбаи дониш маҳсуб мешавад, инчунин тоҷи шоҳона, ки рамзи қудрати давлат аст, ҷойгир шудааст.

Путин дар Ховари Миёна назар ба Иёлоти Муттаҳида нуфузи бештар дорад.

Дар ин бора мушовири собиқи Пентагон, полковники мустаъфӣ Дуглас МакГрегор изҳор дошт. Ба гуфтаи вай, обрӯи Иёлоти Муттаҳида дар минтақа ба таври ҷиддӣ осеб дидааст.
"Путин аз ҷиҳати стратегӣ тамоми кортҳоро дар Ховари Миёна дар даст дорад. Ӯ дар минтақа эҳтироми зиёд дорад. Мо хандаовар ба назар мерасем, дар ҳоле ки Русия қудратманд аст", - навиштааст ӯ.

Дар Хатлон барои 31 ҳазор хонанда мактабҳо месозанд.

Ғазалшоҳ Сафарзода, сардори Раёсати маорифи ин вилоят гуфт, ҳоло дар шаҳру ноҳияҳои Хатлон сохтмони 21 муассисаи таълимӣ ва бинои иловагӣ идома дорад.
Ӯ мегӯяд, бо анҷом расидани корҳои сохтмонӣ 122 синфхона бо шаш ҳазор ҷойи нишаст мавриди истифода қарор мегиранд.

Поинравии рейтинги Байден идома дорад.

Бештар аз нисфи амрикоиҳо, тақрибан 60%, аз кори ӯ дар мақоми президенти ИМА розӣ нестанд, хабар медиҳад CNN.
Илова бар ин, 71 %и пурсидашудагон ба сиёсати раҳбари кишвар дар робита ба низои Фаластин ва Исроил мухолифанд.

На ҳама ҷудокорони тоҷик дар мусобиқаи “Gran Slam” дар Душанбе иштирок мекунанд.

Эмомалӣ Нуралӣ ба далели андаке вазни зиёдатӣ ва омодагӣ ба мусобиқоти қаҳрамонии ҷаҳон ба майдон намебарояд.
Илова бар ин, Сомон Маҳмадбековро ба далели чемпионати Осиё ҷароҳат бардоштан дар мусобиқа намебинем.

Муттаҳам ба ҳамла дар Крокус, Қурбонов ва бародараш дар як сохтмон дар Маскав кор мекарданд.

"Ҳама чиз дар гирду атроф сохта шудааст... Ӯ дар сохтмон кор мекард ва ором зиндагӣ мекард..", - гуфтааст як корманди хобгоҳе, ки боздоштшудаҳо дар онҷо зиндагӣ мекарданд ба РИА Новости.
Ҳамчунин, ба гуфтаи ӯ, дар як меҳмонхонаи хурде, ки барои 3 ҳазор нафар пешбинӣ шудааст, онҳо наметавонанд ҳамаро аз наздик бишиносанд, чун вазифаи асосӣ онҳо ҷойгир кардани муҳоҷирон ва бо манзил таъмин кардан буд.

Тими милии футзали Тоҷикистон имрӯз ба ватан бармегардад.

ФФТ хабар медиад, ки шогирдони Пайрав Воҳидов имрӯз соати 18:00 вориди Душанбе мешаванд.
Мунтахаби футзали Тоҷикистон дар Ҷоми Осиё-2024 ба чоргонаи дастаҳои беҳтарини қитъа ворид шуда, барои аввалин бор дар таърихи худ роҳхати Ҷоми ҷаҳон-2024-ро ба даст овард.