Ҷиноятҳои таҷовус ба номус ва авбошӣ дар Тоҷикистон зиёд шудааст.

Дар ин бора Рамазон Раҳимзода, вазири умури дохилии кишвар зимни нишасти хабарӣ иттилоъ дод.
Ба гуфтаи ӯ, соли гузашта 1414 ҷинояти авбошӣ ба қайд гирифта шудааст, ки ин рақам нисбат ба як соли пеш 187 ҳолат бештар аст.
Ҳамчунин 47 ҷинояти таҷовуз ба номус дар як соли гузашта сабт шудааст, ки дар қиёс ба соли 2022, 10 ҳолат зиёдтар аст.
Дар умум бошад, давоми як соли сипаришуда 21319 ҷиноят ба қайд гирифта шудааст.

Дар Хатлон «Сироятшинос» намерасад.

Дар як ҷаласае бо кормандони соҳаи тандурустӣ қайд карда шудааст, ки бо мақсади ҷалби табибони ҷавон дар самти интихоби ихтисоси «Сироятшинос» дар ҷумҳурӣ имтиёзҳо муайян карда шудаанд, аммо сол ба сол аз рӯи ихтисоси мазкур ба беморхонаҳо ва дигар марказҳои тиббӣ табибони оянда камтар ба кор ҷалб шуда истодааст.
Қайд карда шудааст, ки дар ин самт маблағгузорӣ аз сол ба сол аз тарафи Ҳукумати мамлакат зиёд шуда истодааст.
Дар ин ҷаласа муовини раиси вилояти Хатлон барои тағйири вазъи ҷойдошта ба мақомдорон супоришҳо додааст.
“Барои бартараф кардани масоили ҷойдошта ҳар як роҳбар ва ҳар як корманди ин соҳа бояд масъулият дошта бошад”, - қайд кард ӯ.

Дигар гуреза нест, балки гӯштпора аст.

Дар Олмон, пас аз Полша ва Литва, дар бораи ихроҷи эҳтимолии гурезаҳои украинии синну соли низомӣ сӯҳбат карданд.
Берлин мехоҳад дар ояндаи наздик маҳз ҳамин формати пуштибонӣ аз Киевро баррасӣ кунад, гуфт роҳбари Вазорати корҳои дохилии вилояти Ҳесс Роман Посек.
Кишварҳои “демократӣ” ва “инсонпарвар”-и Иттиҳодияи Аврупо мушаххас намекунанд, ки афродеро, ки ба таври иҷборӣ дар артиши Украина сабтином шуда, қариб бидуни омӯзиш ба хатти ҷабҳа партофта мешаванд, чӣ интизор аст.