Эмомалӣ Раҳмон тоҷикистониёнро ба Рӯзи ғалаба табрик кард.

Раисиҷумҳур дар паёмаш бар аҳамияти сулҳ ҳам барои тоҷикон ва ҳам барои сокинони кишварҳои дигар таъкид кардааст.
"Хусусан, дар шароити имрӯза, ки мардуми сайёраро таҳдиду хатарҳои муосир ва вазъи пурҳаводиси ҷаҳон, аз ҷумла кӯшишҳои азнавтақсимкунии дунё, яроқнокшавии бошитоб, марҳалаи нави "ҷанги сард", ҷангу низоъҳои диниву мазҳабӣ, терроризму ифротгароӣ ва мушкилоти дигар сахт ба ташвишу нигаронӣ овардаанд, мафҳумҳои "сулҳ", "оромӣ", "дӯстӣ", "ҳамдигарфаҳмӣ", "ҳамкорӣ" ва гуфтугӯи тамаддунҳо барои инсоният торафт маънии амиқтар ва аҳаммияту афзалияти бештар пайдо карда истодаанд",- таъкид кард Раҳмон.