“Сойан-алтайның чазыт ӱннері” чайаачы кӧзідіг иртер 12 декабрьда Александр Кенельнің адынаң олғаннарның музыка школазында.

Анда Аржан Тодош, Александра Пирлей, Ренат Суразов паза Марина Султрекова аралазарлар.
Пӱӱнгі кӱнде Марина Султрекова Александр Кенельнің адынаң олғаннарның музыка школазында паза искусстволар колледжінде, хомыс, домра ӱгретчізі полып, 3-ҷі чылы істенче. Ӱгретчі полып, тоғынар ӱчӱн, мин тиксі 19 чыл ӱгренгем тіп, чоохтапча Марина Александровна Султрекова.
Пу чайаачы кӧзідіг школаның чайаачы пӧлиинде иртер. Пасталғаны 18.00 сагатта, кірері — 350-400 салковай.#ХакасРадио