«Чииттер кӧңні» .

Олған садындағы палаҷахтар хакас тіліне хазых ойын пастыра ӱгренчелер.
Піди палаларнаң Асхыстағы «Чахайах» тіп олған садының воспитательі Альбина Артемовна Бурнакова айғас парча. Пӱӱл ол тоғызында пӧзік чидіглерге читчеткен ӱчӱн хакас тілі кӱнінде ХР-ның пазынаң аарластығ пічік алған. Альбина Артемовна воспитательлер аразында иртчеткен марығларда араласча. !ди ол муниципальнай синдегі марығда пастағы паза республика синіндегі марығда 2-ҷі орыннар алған.
Амғы туста хазыхтарны чыып аларға сидік. Анаңар оларны посха даа идерге чарир тіп Асхыстағы чир-суғ ӱгренҷең музейнің тоғынҷызы чоохтап пирген . 1ди аннаң сығара оларны позым ит сыххам тіп, чоохтапча Альбина Артемовна.
Сағам ол иң кічіг частығ палаларның группазында тоғынча. Андар пір час чарым частығ палалар чӧрчелер. Аның алнында Альбина Артемовна школаа парар 27 паланы сығарыбысхан. Оларны хакас тіліне хазых ойын пастыра ӱгреткен. Сағам пу палаларның 20 палазы хакас тіліне кӧстегліг пастағы класстарда ӱгрен парчатырлар.
Позы Альбина Артемовна Ус чул аалда тӧреен. Ӧскен чирі Хойза аал полча. Хада хонғанынаң 2 пала ӧскір парчалар. Асхыста чуртапчалар.