«Хакас чирі» искіріг.

Хоныхта ирепчі пик чуртирға кӱстенерге кирек. Аның ӱчӱн, тоғыстаң хорыхпин, матап тоғынарға кирек. Ӏҷе-паба кӱстенҷік полза, андада олар палаларына азахта пик турарға чол ас пирерлер. Ана андағ сағыснаң хоныхта 60 чылға чағын чуртап париған Трошкин ирепчі ӱлесчелер. Надежда Николаевна паза Юрий Игнатьевич Трошкиннер Сыра аймааның Чоохчыл аалында чуртапчалар. Олар 3 паланың іҷе-пабазы паза 3 парханың аға-ууҷазы полчалар.#ХакасРадио