«Чииттер кӧңні» искіріг.

Кічігдеңӧк мал харахтығ полғам.
1ди Асхыс аймаандағы Полтах аалда чурттығ кресен фермер хоных устагҷызы, чиит оол Леонид Русланович Чистыгашев таныхтапча.
Фермер полып ,3 чыл алнында пастаан. Ол фермерлерге паза идінҷектерге иртірілчеткен грант марығларында ӧткін араласча.
Пӱӱл пос ахчазына трактор алып алған. Алында фермерлерге техникаа хорадылған ахчазының 50 проценті айландырылҷаң полтыр. Сағам ол льгота чоғыл.
Наа ла фермер полып пастаанда, посха кип-азахтарға ахча хоратпаҷаңмын. Парыстығ ахча пол килзе, ағаа хоза маллар алыбысчаңмын тіп, чоохтапча Леонид Русланович.
Аны иб аразында ,маллар аразында хайынарға іҷе-пабазы Елена Ивановнанаң Руслан Леонидович Чистыгашевтер кӧніктір салғаннар. Пабазы Ах чарыхтаң ирте парыбысхан. Ол Ис аал чӧбінің устағҷызы полған. Сағам пу устағҷы тоғызына іҷезі кірібіскен.
Постың тӧреен чирі иң артых чир. 1ди институт соонаң , ӱр сағынмин, нандыра айланғам тіп, чоохтапча Леонид Русланович.
1дӧк пӱӱл ол хой хырыхчатхан марығда аралазып, пастағы орын алып алған. Хойны ол 3 минута 48 секундаға ла хырығыбысхан. Пу марығда Леонид Чистыгашев пастағы ла хати нимес чиңісчі полча.