«Чииттер кӧңні» искіріг.

Чурттығ кізі хаҷан даа ибінзер тартылча.
Андағ салтар Асхыс аймааның Ус чул аал школазының хакас тілі ӱгретчізі, чиит хыс Ксения Алексеевна Майнагашева итче. ХГУ-ның филология паза искусстволар институдын 2023 чылда хызыл дипломға тоосхан. Ус чул аалдағы школазар тоғынарға килгенде, Ксения Алексеевнаа, ӱр полбин, тура пирілген. Асхыс аймаа ол тураны 1 миллион 700 муң салковайга алган. Пу тураны позына 10 чыл тоғын салған соонаң на пастыртып аларға чарир полар.
Позымның чурттым пол килгенде, Ус-чул аал тӧреен чирімнең дее артых пілдір сыххан. Пірее чирзер парзам, табырах ибімзер айланарға сағын сыхчам тіп, таныхтапча Ксения Майнагашева.
Позы ол аға-уучазында Казановка аалда ӧскен. Олар іҷезі саринаң Алексей Михайловичнең Анна Семеновна Майнагашевтер полчалар.
Аға-ууҷам мині кӧп нимее ӱгрет салғаннар. Оларда мин ирке ӧскем тіп, чоохтапча Ксения Майнагашева.