«Тамыр» искіріг.

Мының алнында Таштып аймааның Индіркі Ибіг аалында ла,пір аалда, маллар саны 2 муңа читчең полчаң. Амғы туста, тізең, прай 5 аалдаң маллар саны 1 мун 600 -ке ле читче. Хай-пірееде 1 муң 800 алай ба 1 муң 900- ке чит парча.
Андағ тиңнестіріг Таштып аймааның Ибіг аалындағы мал имҷілер туразының мал имҷізі, істеніс ветераны Валентина Терентьевна Шулбаева итче. Пу тоғыста 48 чыл істен парир. Ол уғаа чітіг тоғынча.
Ибіг аалдағы мал имҷілер туразы 5 аалдағы малларның хазыхтарын хайығда тутча. Ол Ибіг, Пиҷе хол, Индіркі Ибіг, Чоғархы Ибіг паза Харой ааллардағы.
Чон малларын хызырыбысхан. Анзы чуғынчах дерматит сығысханнаңар палғалыстығ тіп, таныхтапча Валентина Терентьевна. .
Позы Валентина Терентьевна Таштып аймааның Харағай аалында 1957 чылда тӧреен. Сағам ағаа 68 час. Апсаа Владимир Кириллович Шулбаев. Хада олар 36 чыл чуртап парирлар.