«Чииттер кӧңні» искіріг.

Пии аймаандағы коррекционнай школа-интернаттағы ӱгредіг олаңай школаларның хыринда саңай пасхалалча. Мында ӱгредіг олғаннарның чайаачы оңдайларына, хынған киректеріне , улуғ хайығ салылып,апарылча. Олар ОГЭ паза ЕГЭ тутпинчалар. Хызычахтар ,школа тоосчатсалар, постарына кӧгенектер тікчелер. Оолахтар істеніс урогынҷа сыныхтағ иртчелер. Олар мының алнындағы чіли, билеттерге нандырчалар.
Чоохтапча пу корррекционнай школа-интернаттың хакас тілі ӱгретчізі, кӧп палалығ чиит іҷе Валентина Александровна Чепсаракова. Пу школада ол 2014 чылдаң сығара тоғын парир. Позы Пии аймааның Чоғархы Киндірліг аалында чуртапча. Хада хонғаны СВО араласчызы Руслан Сергеевич Чепсараков. СВО-да 2022 чылда контрактча служба ирткен. Сағам ол ибде ,мал тудып, айғасча.
Чепсараковтар ирепчі Чогархы Киндірліг аалда тӧрееннер паза ӧскеннер.Анда , хонҷых полып, чуртаптырлар. Сағам андох ,тӧреен аалларында, чуртап парчалар. Валентина Александровнаның хазинезі Надежда Филипповна Чепсаракова оларнаңох хада чуртапча.
Хазинемнен хада ынағбыс. Пасха чирзер чуртирға парарға сағыс чоғыл даа. Тӧреен-ӧскен чирібісте уғаа истіг чуртап парчабыс тіп, таныхтапча.