Хакасияның чуртағҷыларын наа ойыннар сағыпча.

Пістің республикада национальнай театрлар фестивальы пасталыбысты. Пӱӱн ол 17.00 сағатта Лермонтовтын адынан театр туразы алнында улуғ кӧзідігнең азылча.Анын соонаң улуғ сценада орыс театры «Ай сырайлығ»(«Луноликая») тіп этно-нымах кӧзідер. Пу театр аны ,«Ай Хуучын» алыптыг омага тостене, турғысхан.
Россияның национальнай театрларының пу фестивальы ікінҷізін иртіпче. Аның пастағызы пылтыр Калмыкияда иртірілген.
Фестивальның устағҷызы Наталья Афанасьеваның чооғынаң,Россияның пір министерствозы даа пу фестивальдаң тоғыр полбаан паза аны иртірерге ахча Москванын «Столица» социальнай паза культурнай тиліс чыындызынан парча.
Пазағы фестиваль ,арса, Татарстанда,Набережнай Челныда иртер. Ол городтың 2026 чылда хап орта пайрамы полар тіп, таныхтаан. Анаң,тізең,арса,Карелияда полар.Че тиксі фестиваль хайда иртірілері хоостыра теес амохтаң полыбысхан тіп,чоохтаан.
Пӱӱл,тізең,Хакас чирінде иртчеткені Хакасияның культура министрінің Москвадағыларнаң чахсы танысчатханынаң кӧні палгалыстыға тӧӧй пілдірткен. Анзынаңар пӱӱн ирткен пресс-конференцияда сизінерге чарир полған. Светлана Анатольевна Окольникованың,тізең,таныхтаанынаң, Хакасияда культураны ,аарлап,хайраллапчабыс. Хакас культуразын пасха чоннарға читіріп, кӧрігҷілерні ідӧк пасха чоннарнаң таныстырып, аалҷыларны пістің чирге саңай хындыр салар пӧгіннең тоғынчабыс.
Фестиваль пӱӱннең пасталып,29-ха теере иртер.
Фестиваль соонзар мастер- класс полар. Анда піс прай аалҷы артисттерні, ол санда режиссерларны даа чатханнаң ойнирға ӱгредербіс. Анаң угреніп алған пір ойынны прайзы толдыр саларбыс. Анзын онлайн кӧріп аларға чарир полар.
Пӱӱн,тізең, фестивальның сіліг азылғаны фестильның ФНТ.ONLINE сайтында ідӧк кӧні кӧзіділер тіп, чарытхан.
Фестивальда 200 азыра аалҷы пол парыбызар. Национальнай теартлар Карелиядаң, Калмыкиядаң, Татарстаннаң,Чувашиядаң паза Алтайдаң араласчалар.Ӏдӧк Хакасияның орыс паза хакас театрлары.
Кӧрігҷілерге пу кӱннерде 9 аймах спектакль кӧзіділ парар.Фестиваль істінде 30 азыра мероприятие иртірілер.Ол санда тегілек столлар.