Қошни татуаж қилиш

Савол: Ассалому алайкум. Қош териш, унинг шаклини ўзгартириш мумкин эмаслиги маълум. Саволим шуки, агар қош сийрак бўлса, унинг шаклини ўзгартирмасдан ранг бериш учун татуаж қилиш мумкинми?
Жавоб: Ва алайкумус салом. Бу ишдан сақланиш керак. Гарчи баъзи уламолар аёл эрининг рухсати билан қошини териши жоиз дейишган бўлса ҳам, аммо қош терувчилар ҳақида қаттиқ гаплар айтилган, улар лаънатга учраши баён қилинган. Бу ҳақида “Мухлис.уз” сайтининг “Аёллар саҳифаси”да етарли маълумот берилган.
Аёл баданидаги тукларни кетказиши уч қисмга бўлинади:
1. Ҳаром.
Юздаги майин тукларни олиш ва қошни териш ё тердиши, сийраклаштириш. Уни қилган аёл лаънатланади.
Агар аёлдан мўйлаб ва соқол очиқ билинадиган даражада ўсиб чиқса, уни кетказиш жоиз бўлади.
2. Вожиб.
Қўлтиқдаги ва киндик остидаги тукларни олиб туриш. Буни қирқ кундан кечиктириш жоиз эмас.
3. Мубоҳ.
Қўл, оёқ, қорин ва белдаги тукрларни олиш. Бу ҳақда бирон нарса дейилмаган. Ҳожат тушмаса, бу ишни қилмаган
маъқул. Агар аёлнинг қўл, оёқ, қорин ва белидаги тукларини олиши эрининг унга бўлган муҳаббатини зиёда қилса, бу иш марғуб саналади. Агар аёлнинг саналган аъзоларида туклар жуда кўп бўлмаса, уларни ўз ҳолича қолдириш афзал. Валлоҳу аълам!
Манба: muxlis.uz