Ҳар бир ўтказган сониямиз, гапирилган ҳар бир калимамизнинг ҳисобини беришимиз бор охиратда.

Роббимиз бизга ато этган ҳар неъматнинг сарҳисобини сўраши бор. Вақтимиз, гапларимизга эътиборли бўлайликки, беҳудагарчиликлар, сўз ва вақт исрофлари қиёматда ёқамиздан тутмасин.
Вақтимизни ғанимат билишни насиба айласин. Игнанинг учидеккина аҳамиятга эга бўлган ҳар бир амалимизни ҳам бажаришдан олдин дунё ва охират тарозусига қўйишга одатланайлик. Барчамизга охиратимиз мезонига оғирроқ келадиган амалларга ҳарис бўлишга ундайдиган тафаккур ато этсин.
Тушкунлик шайтондан. Маҳзунликлар хатоликларга йўл очади. Сизни тушкунликка ғарқ қилаётган дунё ташвишларига ўзингизни, қимматли вақтингизни раво айламанг.
Дунё бизни сохта ялтироқликлари билан алдаб қўймасин. Охиратимиз ғамида яшайлик. Шунда дунёвий ишларимизнинг тартибга келишига ҳам эришамиз ин шаа Аллоҳ.
Ассаламу алайкум ва роҳматуллоҳи ва барокатуҳ. Охиратингиз учун қайғуришингизга имкон бериши мумкин бўлган янги кунга Алхамдулиллах