ФОТИМА َضِيَ اللهُ عَنْهَا ва АЛИ ​رَضِيَ اللهُ عَنْهُнинг турмуш қуришлари.

-------
​Саййида Фотимаرَضِيَ اللهُ عَنْهَا жуда гўзал эдилар, аслида у зот Пайғамбаримизﷺ га жуда ўхшардилар. У вояга етганида, кўпчилик совчи бўлиб келди, жумладан Абу Бакр ва Умар ​رَضِيَ اللهُ عَنْهُлар ҳам. Лекин Расулуллоҳﷺ рад жавобини берардилар.
​Ансорлардан бўлган бир аёл Ҳазрат Алининг ҳузурига бориб:
"Фотимага совчи келаётганидан хабаринг борми?" деди.
​Ҳазрат Али: "Хабарим бор", деб жавоб бердилар.
Аёл: "Сенга нима тўсқинлик қиляпти? Расулуллоҳнинг ҳузурларига бориб, у зотга уйланиш истагингни айтсанг-чи?" деди.
Али​رَضِيَ اللهُ عَنْهُ : "Уйланиш учун бирор нарсам борми?!" дедилар.
Аёл эса: "Боравер, иншааллоҳ, яхши бўлади", деб уни кўндиришда давом этди.
​Ниҳоят, Ҳазрат Али Расулуллоҳﷺ нинг ҳузурларига Фотима онамизнинг қўлларини сўраб бордилар. Лекин Расулуллоҳнинг қаршиларида ўтирганларида, ҳайбатларидан гапира олмай қолдилар.
Пайғамбаримизﷺ : "Эй Али, сени нима бошлаб келди? Бирор ҳожатинг борми?" деб сўрадилар.
Расулуллоҳ савол берардилар, Али эса сукут сақлаб, гапира олмасдилар.
Шунда Расулуллоҳﷺ : "Балки Фотимани сўраб келгандирсан?" дедилар.
Ҳазрат Али бошлари билан "Ҳа" ишорасини қилдилар.
​Пайғамбаримизﷺ : "Маҳр сифатида беришга бирор нарсанг борми?" деб сўрадилар.
Ҳазрат Али: "Йўқ, Аллоҳга қасамки, ҳеч нарсам йўқ", дедилар.
Расулуллоҳﷺ : "Йўқ, бор. Сенга совға қилган совутим нима бўлди?" дедилар.
Ҳазрат Али: "У ҳалиям менда, шу ярайдими?" дедилар.
Пайғамбаримизﷺ : "Ҳа, ярайди", дедилар.
Расулуллоҳﷺ уларга уй сотиб олдилар ва никоҳларини ўқидилар.
​Турмуш қурганларидан сўнг Ҳазрат Али шундай дейдилар:
​"Мен уни чексиз муҳаббат билан севдим. Аллоҳга қасамки, бирор марта ҳам уни "Эй Фотима" деб чақирмадим, балки "Эй Расулуллоҳнинг қизи" дер эдим. Қачон унга қарасам, қалбимдаги бор ғам-андуҳлар арирди.
​Валлоҳи, мен уни ҳеч қачон ғазаблантирмадим, уни йиғлатмадим. У ҳам мени ҳеч қачон хафа қилмади ва озор бермади.
​Валлоҳи, унга ҳеч қачон орқамни ўгириб ўтирмадим. Қачон уни кўрсам, албатта қўлларидан ўпардим."
​Вафот этганларида Ҳазрат Али уни ювиб, кафанладилар, сўнг ёлғиз ўтириб, қулоғига паст овозда шивирладилар:
"Эй Фотима, мен Алиман."
​Аллоҳим, Пайғамбаримиз Муҳаммадﷺ га саловот ва саломлар бўлсин.