♻️ ҲАР БИР НАФС ЎЛИМ ШАРБАТИНИ ТОТГУВЧИДИР...

|
Аллоҳ Таоло айтади:
“Ҳар бир жон ўлим шарбатини тотувчидир. Сунгра Бизгагина қайтарилурсиз” (Анкабут сураси, 57-оят).
|
Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи васаллам айтдилар:
|
"Тез тез орзуларни кесувчи ўлимни эсланг!".
|
Термизий 2307, Насоий 4/12 ва Ибн Можа 4208 ривоят қилган. Имом Абу ʼИсо Термизий, Имом Ибн Ҳиббон ва Шайх Албонийлар ҳадиснинг саҳиҳлигини тасдиқлаганлар.
|
Анас розиёллоҳу анҳудан ривоят қилинади: Расулуллоҳ соллаллоҳу алайҳи васаллам айтдилар:
|
“Лаззатларни бузувчи (ўлим) ни кўп эсланг! Дарҳақиқат, сизлардан бирортангиз оғир вазиятда ўлимни эсласа, албатта, унга осон бўлиб туюлади, агар осон вазиятда ўлимни эсласа, унга қийин бўлиб туюлади!".
|
Баззор “Кашф ал-астар”да 4/240 ривоят қилган. Ҳофиз Мунзирий, Ҳофиз Ҳайсамий ва шайх Албоний ҳадисни ҳасан деган.
|
Ислом уламолари бу ҳадис ҳақида айтадиларки:- бу ҳадис сўзи оз, лекин улуғ маънони ўз ичига олган, таълим ва насиҳат нуқтаи назаридан мукаммалдир. Бу ҳақиқатан ҳам ҳақиқат, чунки ким ўлимни, уни бошдан кечиришдаги қийинчиликларни чинакам эслаб, ундан кейин нима бўлишидан қўрқса, бу ҳаётнинг лаззатларини, унинг ўткинчи қадриятларини унутади. Ўлимни эслаш завқланиш, дунё неъматларидан баҳраманд бўлиш истагини босади ва Аллоҳга ибодат қилиш зарурлигини эслатади. Ўлимни эслаган киши ёшлигида унга ҳамма нарса ҳалол ўйнаб кулиб олиш керак, Исломни кегин ҳам қабул қилса бўлади деган фикрдан тўхтайди.
Ўлим ҳеч кимни аямайди ва қачон келишини ҳеч ким билмайди. Эҳтимол, эртага баъзиларимиз йўқ бўлиб кетармиз. Агар ўлим фариштаси тўсатддан келиб қолса, биз ўз ҳаракатларимиз учун жавобгар бўлишга тайёрмизми? Биз етарлича тақво ишларни қилдикми? Бугун биз буларнинг барчаси ҳақида ўйлашимиз керак. Биз ўзимизни ислоҳ қилишимиз, Ислом йўлидан боришимиз, Аллоҳ биздан рози бўладиган даражада бўлишимиз, кеч бўлмасдан, “завқларни бузувчи” ўлимни ва тез-тез эслашимиз ва оҳират диёрига ҳар дақиқа таёр туришимиз керак.
|
Одамлардан баьзи баьзида: "Фалончи ўлибди - фистончи ўлибди" деган гапларни эштиб қоласан киши. Бир кун келади, одамлар сен ҳақингда ҳам: "Фалончи ҳам ўлибди" деган гапларни айтишади.
|
Имом Даҳҳоқ айтадилар: “Ўлимни тез-тез эслаган кишига учта неъмат берилади: Тез тавба қилиш, тавозули қалб ва ғайратли ибодат. Ким ўлимни унутган бўлса, уч нарса билан жазоланади: тавбани кечиктириш, насибидан норозилик ва ибодатга дангасалик”. Қаранг: “ат-Тазкира” 1/27.
|
Ваҳб ибн Вард айтдилар: “Бир куни Ибн Мутиъ уйига қаради, унинг гўзаллиги уни қувонтирди, сўнг йиғлаб: “Аллоҳга қасамки, агар ўлим бўлмаганида, мен хурсанд бўлардим. Агар биз сиздан тор бир қабрга бормаганимизда эди, бу дунё, албатта, кўзимиз учун завқ бўларди! Ва кейин у яна йиғлай бошлади, шунчалик қаттиқки, овози кўтарила бошлади. Ибн Ражаб “Аҳвал ал-қубур”да 130.
|
💐🌸🍁⚘️🍀🌹🌷☘️🌺
♻️ ҚАБР АЗОБИДАН САҚЛАГУВЧИ АМАЛЛАР.
|
Бисмиллаҳир Роҳманир Роҳийм.
|
Инсон боласи бу ҳаётий дунёни тарк этса, уни энг биринчи катта имтиҳон кутиб туради. У ҳам бўлса қабрга қўйилганда қабрдаги фитналар ва дучор бўлиши мумкун бўлган азоби уқубатлар. Албатта қабр азоби ҳақдир. Қабрдаги аянчли ёки сокин ҳаёт ҳақиқат эканига Қурьон ва Суннат ва бутун мусулмон олимлари иттифоқ қилганлар.
|
Шу сабабдан Китоб ва Суннат одамларни бир кун келиб унга рўбарў бўлиши ҳақиқат бўлган ушбу қабр ҳаёт даҳшатларидан қатииқ огоҳлантирадилар ва қабр азобидан сақланишга сабаб бўладиган ҳолатлар ва амалларни таьлим берган. Агар бизлар ушбу таьлимотларни ўқиб ўргансак ва Китоб Суннат кўрсатмаларига амал қилсак шоядки Аллоҳ Ҳақ Субҳанаҳу ва Таьоло бизларга ҳам қабрдаги имтиҳонлардан саломат ўтиб олишликни насиб қилиб ундаги финалар, ва азоби уқубатлардан амон сақласа. Аминь аджмаин.
|
Инсонни ибодатлари ва қилган солиҳ амаллари.
|
Абу Ҳурайра розиёллоҳу анҳу ривоят қиладилар: “Набий соллаллоҳу алайҳи васаллам айтдилар: “Албатта, марҳум қабрга ётқизилганида, кетаётган одамларнинг оёғ киймларининг овозини эшитади. Ва агар у ҳақиқий мўмин бўлса, намози бошида, рўзаси ўнг томонида, закот чап томонида бўлади, садақа, қўшимча намоз, савоб, яхшилик каби яхши амаллари, одамларга муносабат, унинг оёқлари томонда бўлади. Ва фаришталар бу одамнинг боши томонидан яқинлашганда намоз айтади: "Менинг тарафимда ҳеч қандай ўтиш жойи йўқ", дейди. Кейин улар ўнг томондан яқинлашадилар шунда рўза айтади: "Менинг томонимда ҳеч қандай ўтиш жойи йўқ". Кейин чап томондан яқинлашадилар ва закот: «Менинг тарафимда ҳеч қандай ўтиш йўқ», дейди. Шунда улар оёқ томондан яқинлашадилар ва яхши амаллари: «Менинг тарафимдан ўтиш йўқ», дейдилар. Ҳадиснинг яна бир ривоятида: “Унга бош томондан яқинлашса, Қуръон тиловати уни ҳимоя қилади. Улар қўл томондан яқинлашганда, садақа уни ҳимоя қила бошлайди. Оёғи ёнидан яқинлашганда эса, масжидга пиёда борганлиги билан ҳимояланади” дейлган.
|
Ибн Ҳиббон 3103, Ҳоким 1/379, ва Табароний ривояти. Имом Байҳақий, Заҳабий ва Албонийлар ҳадиснинг саҳиҳлигини тасдиқлаганлар. Шунингдек қаранг: “Саҳиҳ ат тарғиб” 3560-61.
💐🌿🌸🍁🍀🌹🌳⚘️🌷
ҚАБР АЗОБИДАН АЛЛОҲДАН ПАНОҲ ТИЛАБ ТЕЗ ТЕЗ ДУОДА БЎЛИШ.
|
Урва ибн аз-Зубайр розияллоҳу анҳудан ривоят қилинади: “Набий соллаллоҳу алайҳи васалламнинг хотини Оиша онамиз розияллоҳу анҳо айтдиларки, Расулуллоҳ соллаллоҳу алайҳи васаллам намозда: Аллоҳ Таолога тез-тез шундай дуо билан мурожаат қилар эдилар:
|
“Аллоҳим, албатта, мен қабр азобидан Паноҳингга қочаман ва Дажжол фитнасидан Сенинг паноҳинга қочаман ва ҳаёт ва ўлим фитнасидан Сенинг паноҳинга қочаман Аллоҳим, мен Сендан гуноҳ ва қарздан паноҳ тилайман!".
|
Аллоҳумма, инни аъузу бика мин аьзабил-қабри, ва аъузу бика мин фитнатил-масиҳи-дажжоли, ва аъузу бика мин фитнатил-маҳя вал-мамат! Аллоҳумма, инни аъузу бика мин ал-маъсами вал-мағром!.
|
Ҳадисни Бухорий (832), Муслим (589), Абу Авона (2/236-237), Абу Довуд (880), Насоий (3/57), Ибн Ҳиббон (1968), Байҳақий (2/154) ривоят қилган.
|
Жанг майдонида шаҳид бўлиш.
|
Миқдам ибн Маъдикориб розиёллоҳу анҳудан ривоят қилинади: Пайғамбар соллаллоҳу алайҳи васаллам айтдилар:
|
"Аллоҳ шаҳидга саккиз нарсани берди: унинг гуноҳлари биринчи қони томишига кечирилади; унга Жаннатдаги жойи кўрсатилади; иймон зеб-зийнатларини кийиб олади; у етмиш икки Жаннат ҳурларига уйланганади; у қабр азобидан сақланади; Қиёмат Кунининг катта қўрқувидан халос бўлади; Унинг бошига шараф тожи қўйилади, унинг бир қимматбаҳо тоши бутун дунё ва ундаги ҳамма нарсадан яхшироқдир; Унга қариндошларидан етмиш кишига шафоат қилиш ҳуқуқи берилади”.
|
Аҳмад 4/131, Саид ибн Мансур 2562. Шайх Албоний ҳадисни саҳиҳ деди. Қаранг: “ас-Силсила ас-саҳиҳа” 3213.
|
Аллоҳ йўлида қўриқчилик қилиш.
|
Фазола ибн Убайд розиёллоҳу анҳу ривоят қиладилар: “Расулуллоҳ соллаллоҳу алайҳи васаллам айтдилар:
|
“Ўлган ҳар бир кишининг амали тўхтайди, фақат Аллоҳнинг йўлида қўрғқчилик қилганники тўҳтамайди, унинг амаллари Қиёмат Кунигача кўпаяди ва ўзи қабр фитнасидан халос бўлур».
|
Абу Довуд 2500, Термизий 1621, Аҳмад 6/20, Ҳоким 2/144. Имом Абу ʼИсо Термизий ва шайх Албонийлар ҳадиснинг саҳиҳлигини тасдиқлаганлар.
|
Мулк сурасини қироат қилишни одат қилиш.
|
Аблуллоҳ Ибн Масъуд розиёллоҳу анҳудан ривоят қилинади: Расулуллоҳ соллаллоҳу алайҳи васаллам дедилар:
|
«Мулк» сураси қабр азобидан ҳимоядир.
|
Абу Шайх, Абу Нуайм ва Ибн Мардавайх ривояти. Шайҳ Албоний саҳиҳ деган.. Қаранг: “Саҳиҳ ал-Жомиъ” 3643.
|
Садақани кўпайтириш.
|
Уқба ибн Омир розиёллоҳу анҳу ривоят қиладилар: “Расулуллоҳ соллаллоҳу алайҳи васаллам айтдилар:
|
“Албатта садақа уни берган кишининг қабрини иссиқлигини ўчиради. Мўмин Қиёмат Кунида садақалари соясида бўлади”.
|
Табароний “ал-Кабир”да ривоят қилган. Ҳадис саҳиҳдир. Қаранг: “Силсила ас-саҳиҳа” 3484.
|
Сийдик қолдиқларидан бадани ва киймини пок тутиш.
|
Абу Ҳурайра розиёллоҳу анҳу ривоят қиладилар: “Расулуллоҳ соллаллоҳу алайҳи васаллам дедилар:
|
“Одамларнинг кўпчилиги қабрда сийдик туфайли азобланадилар”.
|
Аҳмад 2/389, Ибн Можа 348 ва Дароқутний 1/128 ривояти. Ҳадиснинг саҳиҳлигини Имом Дароқутний, Имом Бухорий, Ибн Хузайма, Ҳоким, Заҳабий, Ҳофиз Асбаҳоний, Ибн аМулякқин, Ҳофиз Бусайрий ва Шайх Албонийлар тасдиқлаганлар.
💐🌸🍁⚘️🌳💮🌴🌺
ҒИЙБАТДАН САҚЛАНИШ.
|
Ибн Аббос розиёллоҳу анҳу айтдилар:
|
“Бир куни Расулуллоҳ соллаллоҳу алайҳи васаллам икки қабр ёнидан ўтиб кетаётиб: “Албатта улар азобланмоқдалар, ва уларни катта гуноҳлар учун азоблашгани йўқ ваҳоланки ҳар бир гуноҳлари оғирдир; улардан бирига келсак у ғийбатни тарқатган иккинчиси эса ўз сийдигидан сақланмасди".
|
Бухорий 1378 ва Муслим 292 ривояти.
|
Қорин оғриғидан вафот этиш.
|
Абдуллоҳ ибн Ёсир розияллоҳу анҳудан ривоят қилинади: “Расулуллоҳ соллаллоҳу алайҳи васаллам айтдилар:
|
“Кимнинг ўлимига ошқозон касаллиги сабаб бўлса, у қабр азобга дучор бўлмайди".
|
Термизий 1076 ва Насоий 2052 ривояти. Имом Термизий ва шайх Албоний ҳадиснинг саҳиҳ деган.
|
Жума кечаси ёки кундузи вафот этган одам.
|
Амр ибн ал-Асса розиёллоҳу анҳунинг сўзларидан ривоят қилинади: Набий соллаллоҳу алайҳи васаллам дедилар:
|
“Жума куни ёки жума кечаси вафот этган мусулмонни Аллоҳ Таоло албатта қабр азобидан сақлайди".
|
Аҳмад 7050, Термизий 1084, ва Фасавий 2/520 ривояти. Ҳадиснинг саҳиҳлигини Ҳофиз Суютий, Шайх Аҳмад Шокир, Шайх Албоний ва Шайх Муборакфурий тасдиқлаган.