ХИЁНАТЧИНИНГ ЖАЗОСИ ШУ

Султон Салим Ёвуз бозорларнинг бирини кўздан кечиришга қарор қилади ва қуш сотилаётган бўлимга киради, сотувчилардан бири сайроқи қушларининг донасини 1 олтиндан сотаётган эди, лекин улардан бири алоҳида қафасга солинган ва нархи 50 олтин деб ёзилган эди.
Султон сотувчидан бу холнинг сабабини сўраганида, ундан шундай жавоб олди:
- Бу алоҳида тургани сайраши билан озодликдаги шерикларини ўз атрофига тўплайди ва уларни тутилишига сабабчи бўлади.
Султон 100 тилло чиқариб:
- Шу қушни менга бер, - деди.
Атрофдагилар ҳайратда "Султон бу қушни нима қилар экан"- дея кузатардилар.
Султон қушни олдида бошини куч билан бураб танасидан узиб ташлади ва шундай деди:
- Ўз умматини тутиб берган хиёнатчининг жазоси шу