Абдулазиз Холов

Бачагиям

Бачагиям бекасу танҳо гузашт,
Бо дарав бо хӯшачиниҳо гузашт,
Доманаш аз хӯша пур аз домани саҳро
гузашт.
Дар сари санге ҳама рӯз интизор,
Мешумурдам турнаҳоро ҳар баҳор,
Бачагиям бо қатори турнаҳо якҷо гузашт.
Шаст меандохтам бо рӯди шӯхи маст,
То биафтад моҳии тилло ба шаст,
Бачагиям бо умеди моҳии тилло гузашт..
Ханда мекардам ба сӯи шаршара ,
Ханда меомад зи ҳар санги дара,
Бачагиям ханда бар лаб лаб-лаби дарё
гузашт.
Номаҳо бинвишта будам беҳисоб,
Лек аз он сӯ намеомад ҷавоб,
Бачагӣ чун номае бар ёри бепарво гузашт.
Бачагӣ чун шохборон рехт, рехт,
Бач